തിരുവനന്തപുരം: ട്രെയിനിൻ്റെ ബാത്റൂമില്‍ എഴുതിയിരുന്നവർ ഇന്ന് സോഷ്യല്‍ മീഡിയയില്‍ എഴുതുന്നു, ഒരു സ്ത്രീയും സോഷ്യല്‍ മീഡിയയില്‍ അപമാനിക്കാൻ പാടില്ലെന്ന് മുഖ്യമന്ത്രി വി ഡി സതീശൻ.
ഇതിനായി പ്രത്യേക നിയമം നടപ്പിലാക്കാൻ കഴിയുമോ എന്നാണ് ആലോചിക്കുന്നത്. പുതുയുഗ കാലത്തേക്കുള്ള വനിതാ നയം രൂപീകരണത്തിനാണ് തുടക്കമാകുന്നത്.
രാജ്യത്തിന് മുഴുവൻ മാതൃകയാകുന്ന നയം നടപ്പിലാക്കുകയാണ് ലക്ഷ്യം. ലോകം മുഴുവൻ മാറുകയാണ് എന്നാല്‍ പലരുടെയും ചിന്തകളില്‍ ഇതുവരെ മാറ്റം വന്നിട്ടില്ല. പലരും 50 വർഷം പുറകിലാണ്. എല്ലാ പ്രായത്തിലുള്ളവരുടെയും സംരക്ഷത്തിനായാണ് നയ രൂപീകരണം. സോഷ്യല്‍ മീഡിയയിലാണ് സ്ത്രീകള്‍ ഏറ്റവും കൂടുതല്‍ അപമാനിക്കപ്പെടുന്നത്. മരുന്നു പോലും പുരുഷന്മാർക്ക് വേണ്ടിയാണ് ഉണ്ടാക്കപ്പെട്ടിട്ടുള്ളത്. മരുന്നു നിർമ്മാണത്തില്‍ പോലും വിവേചനം ഉണ്ടായിട്ടുണ്ട്.
പുരുഷന്മാർക്കുണ്ടാക്കുന്ന മരുന്നു തന്നെയാണ് സ്ത്രീകള്‍ക്ക് നല്‍കുന്നത്. വനിതാനയത്തില്‍ വിട്ടുവീഴ്‌ച ഇല്ലാതെ കേരളത്തില്‍ നടപ്പാക്കും. സ്ത്രീകള്‍ക്ക് വേണ്ടിയുള്ള ഒരു പദ്ധതിയും സംസ്ഥാനത്ത് നടപ്പാക്കാതെ പോകില്ല . അതിന് സാമ്പത്തിക പ്രശ്നങ്ങള്‍ ഉണ്ടാകില്ലെന്നും മുഖ്യമന്ത്രി കൂട്ടിച്ചേർത്തു.
