തിരുവനന്തപുരം: ജനങ്ങള്‍ വലിയ പ്രതീക്ഷയോടെ അധികാരത്തിലെത്തിച്ച സര്‍ക്കാരില്‍ നിന്നും
ഏകശിലപോലെ തീരുമാനങ്ങള്‍ ഉണ്ടാകണമെന്ന് സ്പീക്കര്‍ തിരുവഞ്ചൂര്‍ രാധാകൃഷ്ണന്‍.
സമാധാനത്തോടെയും കൂടിയാലോചനയിലൂടെയും ഭംഗിയായി കാര്യങ്ങള്‍കൊണ്ടുപോകണം എന്നും തിരുവഞ്ചൂര്‍ രാധാകൃഷണന്‍ പറഞ്ഞു.
ഗാന്ധി ജയന്തി ദിനത്തില്‍ മാധ്യമങ്ങളെക്കാണവെയാണ് മുഖ്യമന്ത്രി വി ഡി സതീശനെതിരായ സ്പീക്കറുടെ പരോക്ഷ വിമര്‍ശനം.
ഡീസന്റ് ആയ നിലപാടുകള്‍ സമൂഹത്തിനുണ്ടാകണം.
ഉത്സാഹത്തോടെ അധികാരത്തിലേറിയ സര്‍ക്കാരില്‍ നിന്നും ആ തരത്തില്‍ തിരിച്ചും ജനം പ്രതീക്ഷിക്കുമെന്നും തിരുവഞ്ചൂര്‍ രാധാകൃഷ്ണന്‍ പറഞ്ഞു.
കൂടിലോചനയിലൂടെ വേണം കാര്യങ്ങള്‍ പരിഹരിക്കാന്‍ എന്ന് തിരുവഞ്ചൂര്‍ ആവര്‍ത്തിച്ചു.
വി.ഡി സതീശനെതിരായ യുഡിഎഫ് കണ്‍വീനര്‍ അടൂര്‍ പ്രകാശിന്റെ പരസ്യവിമര്‍ശനത്തിന് പിന്നാലെയാണ് മുതിര്‍ന്ന കോണ്‍ഗ്രസ് നേതാവിന്റെ ഉന്നംവെയ്ക്കല്‍.
