ഇടുക്കി: ഇടുക്കിയിലെ ഭൂപ്രശ്നങ്ങള് പരിഹരിക്കുമെന്നും 60% പ്രശ്നങ്ങള്ക്ക് ഇന്നത്തെ യോഗത്തില് പരിഹാരം ഉണ്ടായെന്നും മുഖ്യമന്ത്രി വിഡി സതീശൻ.
ബാക്കിയുള്ള നിയമപരമായ പ്രശ്നങ്ങള് ഉടൻ പരിഹരിക്കും. പട്ടയ ഭൂമിയില് പണിത കെട്ടിടങ്ങള് ക്രമവത്ക്കരിക്കാൻ ഫീസ് ഒഴിവാക്കാൻ നടപടി സ്വീകരിക്കും. അതിനുള്ള നിയമം അടുത്ത നിയമസഭ സമ്മേളനത്തില് പാസ്സാക്കുമെന്നും മുഖ്യമന്ത്രി പറഞ്ഞു. ഇടുക്കിയില് പരിപാടിയില് പങ്കെടുത്ത് സംസാരിക്കുകയായിരുന്നു അദ്ദേഹം.
സിഎച്ച്ആർ ഭൂമിയിലെ നിയമ പ്രശ്നങ്ങളും ഉടൻ പരിഹരിക്കും. കോടതിയില് സംസ്ഥാന സർക്കാരിന് ഒറ്റ അഭിപ്രായമേ ഉണ്ടാകൂ. മൂന്നു മാസത്തിനുള്ളില് അയ്യായിരം പേർക്ക് പട്ടയം നല്കാനാകും. വനം റവന്യു വകുപ്പുകള് തർക്കം നിലനില്ക്കുന്ന സ്ഥലങ്ങളില് മൂന്നു മാസത്തിനകം പരിശോധന നടത്തി പരിഹരിക്കാൻ നിർദേശം നല്കി. അണക്കെട്ടുകളുടെ പത്തു ചെയിനിലും മൂന്നു ചെയിനിലും പ്രശ്നം പരിഹരിച്ചു പട്ടയം നല്കും. ആനത്താരയില് കയ്യേറ്റം നടത്തി നിർമിച്ചവ പൊളിക്കും. കർഷകർക്ക് ഒരു പ്രശ്നവും ഉണ്ടാകില്ല. ആനത്താരകള് പുനസ്ഥാപിക്കുവാനുള്ള കളക്ടറുടെ ഉത്തരവില് ചില അവ്യക്തതയുണ്ടായി. അത് ഇന്ന് വ്യക്തത വരുത്തിയിട്ടുണ്ട്. ചില കയ്യേറ്റക്കാർ അനധികൃതമായി ഫെൻസിങ്ങുകള് പണിതിട്ടുണ്ട്. അത് പൊളിക്കണമെന്നാണ് ഉത്തരവ്. കയ്യേറ്റക്കാർ ആരാണെങ്കിലും അത് പൊളിക്കും.
കർഷകർക്ക് ഒരു ബുദ്ധിമുട്ടും ഉണ്ടാവുകയില്ല. ജനവിരുദ്ധമായ തീരുമാനങ്ങള് ഉണ്ടാവുകയില്ല. ഇഎസ്എയില് നിന്നും സിഎച്ച്ആർ പൂർണമായി ഒഴിവാക്കി. സമീപ ദിവസം മാപ്പ് പ്രസിദ്ധീകരിക്കും. ഇഎസ്എയില് ആശയക്കുഴപ്പം വേണ്ട. ഇന്നലെ റിപ്പോർട്ട് നല്കി. ജനവാസമേഖല ഇഎസ്എയില് ഉണ്ടാവില്ലെന്നും അത് ഉറപ്പ് നല്കുന്നുവെന്നും മുഖ്യമന്ത്രി പറഞ്ഞു.
