കാസർകോട്: സംസ്ഥാനത്തെ നിലവിലെ വൈദ്യുതി പ്രതിസന്ധിക്ക് കാരണം മുൻ ഇടത് സർക്കാരിന്റെ നയങ്ങളാണെന്ന് വൈദ്യുതി മന്ത്രി സണ്ണി ജോസഫ്.
എല്ഡിഎഫ് സർക്കാർ കടം വാങ്ങിയ വൈദ്യുതി ഇപ്പോള് തിരിച്ചുനല്കിക്കൊണ്ടിരിക്കുകയാണെന്നും അതിനാലാണ് വൈദ്യുതി നിയന്ത്രണം ഏർപ്പെടുത്തേണ്ടി വന്നതെന്നും മന്ത്രി പറഞ്ഞു.
കേരളത്തില് വൈദ്യുതി ഉപഭോഗം ഗണ്യമായി വർധിച്ച സാഹചര്യത്തില് പ്രതിസന്ധി മറികടക്കാൻ സർക്കാർ വിവിധ നടപടികള് സ്വീകരിച്ചുവരികയാണെന്നും അദ്ദേഹം വ്യക്തമാക്കി. നിലവില് മഴ ലഭിക്കുന്നത് വൈദ്യുതി ഉല്പാദനത്തിന് ആശ്വാസകരമാണെന്നും വൈദ്യുതി നിയന്ത്രണം പരമാവധി കുറയ്ക്കാനാണ് ശ്രമിക്കുന്നതെന്നും മന്ത്രി പറഞ്ഞു.
മുൻ വൈദ്യുതി മന്ത്രി എം.എം. മണിയുമായി താരതമ്യം ചെയ്തുള്ള സമൂഹമാധ്യമ ചർച്ചകളെക്കുറിച്ചുള്ള ചോദ്യത്തിന്, അദ്ദേഹം തന്നേക്കാള് ഏറെ മുതിർന്ന നേതാവാണെന്നും എന്നാല് അദ്ദേഹത്തിന്റെ ശിഷ്യനാകാൻ താൻ ആഗ്രഹിക്കുന്നില്ലെന്നുമായിരുന്നു സണ്ണി ജോസഫിന്റെ പ്രതികരണം
