കോഴിക്കോട് : കോഴിക്കോട് വടകരയില് അധ്യാപികമാർ ഉൾപ്പെട്ട ലഹരിമരുന്ന് കേസില് വിശദമായ അന്വേഷണത്തിന് ഒരുങ്ങി പൊലീസ്. കേസിലെ പ്രതികളായ മരുതോങ്കര സ്വദേശി കീര്ത്തന, കൂരാച്ചുണ്ട് സ്വദേശി കാവ്യ എന്നിവരെ കസ്റ്റഡിയില് വാങ്ങുന്നതിനായി പൊലീസ് ഉടന് കോടതിയെ സമീപിക്കും.
കസ്റ്റഡിയിൽ വാങ്ങിയതിന് ശേഷം ഇരുവരേയും ഒരുമിച്ചിരുത്തി ചോദ്യം ചെയ്യാനാണ് അന്വേഷണ സംഘത്തിന്റെ തീരുമാനം. കേസില് മറ്റ് അധ്യാപകര്ക്കും പങ്കുണ്ടോയെന്ന കാര്യവും ഇതോടൊപ്പം പരിശോധിക്കുന്നുണ്ട്.
അതേസമയം കേസില് അറസ്റ്റിലായ താത്കാലിക അധ്യാപികയായ കാവ്യയെ സര്വീസില് നിന്നും പിരിച്ചുവിട്ടുകൊണ്ടുള്ള വിദ്യാഭ്യാസ വകുപ്പിന്റെ ഔദ്യോഗിക ഉത്തരവ് ഇന്ന് പുറത്തുവരും. പേരാമ്പ്ര ബ്ലോക്ക് റിസോഴ്സ് കേന്ദ്രത്തിലെ സ്പെഷ്യലിസ്റ്റ് കായിക അധ്യാപികയായ കീര്ത്തനയെ ഇന്നലെ തന്നെ വിദ്യാഭ്യാസ വകുപ്പ് പിരിച്ചുവിട്ടിരുന്നു.
ഇവരുമായി ലഹരി ഇടപാടുകള് നടത്തിയിരുന്ന മറ്റ് ആളുകളെ കണ്ടെത്താനുള്ള നീക്കങ്ങളും പൊലീസ് ഊര്ജ്ജിതമാക്കിയിട്ടുണ്ട്.
