ന്യൂയോർക്ക് : യുഎസ് വിസ റിജക്റ്റായ ഇന്ത്യൻ വിദ്യാർഥിയുടെ അനുഭവം ഇന്ന് സോഷ്യല് മീഡിയയില് വൈറലാകുകയാണ്. യുഎസിലെ പ്രശസ്തമായ ന്യൂയോർക്ക് യൂണിവേഴ്സിറ്റിയില് അഡ്മിഷനും സ്കോളർഷിപ്പും ലഭിച്ചിട്ടും വിസ ഇന്റർവ്യൂ സമയത്ത് വിസ റിജക്റ്റായ വിദ്യാർത്ഥിയാണ് അനുഭവം പങ്കുവച്ചിരിക്കുന്നത്. വിദ്യാർഥിക്ക് നല്ല മാർക്കും യൂണിവേഴ്സിറ്റിയില് നിന്നും പഠനത്തിന് സ്കോളർഷിപ്പും ലഭിച്ചിരുന്നു.
ഇന്ത്യൻ വിദ്യാർഥിക്ക് അഡ്മിഷൻ ലഭിച്ചത് ലോകത്തിലെ തന്നെ ഏറ്റവും പ്രശസ്തമായ ന്യൂയോർക്ക് യൂണിവേഴ്സിറ്റിയിലാണ്. ഡിപ്പാർട്ട്മെന്റ് ഓഫ് സിവില് ആൻഡ് അർബൻ എഞ്ചിനീയറിറിങ് ഡിപ്പാർട്ട്മെന്റില് എംഎസ് ഇൻ കണ്സ്ട്രക്ഷൻ മാനേജ്മെന്റ് എന്ന കോഴ്സിനാണ് വിദ്യാർഥിക്ക് അഡ്മിഷൻ ലഭിച്ചത്.
വിദ്യാർഥിയുടെ ഇന്റർവ്യൂ ഷെഡ്യുൾ ചെയ്തിരുന്നത് ജൂലൈ 14നായിരുന്നു. ഡല്ഹിയിലെ യുഎസ് എംബസിയിലായിരുന്നു ഇന്റർവ്യൂ നടന്നത്. ഇന്റർവ്യൂവിനായി വിദ്യാർഥിയുടെ പേര് വിളിച്ചു. അകത്തേക്ക് പ്രവേശിച്ച ഉടൻ വിസ ഓഫീസർ പാസ്പോർട്ടും ഐ-20 ഡോക്യുമെന്റും നല്കാൻ ആവശ്യപ്പെട്ടു. വിദ്യാർഥിയുടെ കൈയില് നിന്നും ഡോക്യൂമെന്റുകള് വാങ്ങിയതിന് ശേഷം ഓഫീസർ ചോദ്യം ചോദിയ്ക്കാൻ തുടങ്ങി.
വിദ്യാർത്ഥിയോട് ചോദിച്ച ആദ്യ ചോദ്യം , ന്യൂയോർക്ക് യൂണിവേഴ്സിറ്റിയില് കൂടാതെ മറ്റേതൊക്കെ യൂണിവേഴ്സിറ്റികളിലാണ് അപേക്ഷിച്ചത്?' എന്നതായിരുന്നു. അതിന് മറുപടിയായി വിദ്യാർഥി സ്റ്റാൻഫോർഡ്, കൊളംബിയ, എൻവൈയു, യൂണിവേഴ്സിറ്റി ഓഫ് വാഷിംഗ്ടണ്, സിറാക്കൂസ് യൂണിവേഴ്സിറ്റി എന്നിവടങ്ങളില് അപേക്ഷിച്ചിരുന്നു എന്ന് പറഞ്ഞു. ഇതിനോടൊപ്പം ന്യൂയോർക്ക് യൂണിവേഴ്സിറ്റിക്ക് പുറമെ വാഷിംഗ്ടണ് യൂണിവേഴ്സിറ്റിയില് നിന്നും സിറാക്കൂസില് നിന്നും അഡ്മിഷന്റെ ഓഫർ ലെറ്റർ ലഭിച്ചിട്ടുണ്ട് എന്ന് പറഞ്ഞു.
ഇതിന് ശേഷം വിസ ഓഫീസർ അടുത്ത ചോദ്യം ചോദിച്ചു. എന്തുകൊണ്ടാണ് നിങ്ങള് പഠിക്കാനായി ഇതില് നിന്ന് ന്യൂയോർക്ക് യൂണിവേഴ്സിറ്റി മാത്രം തെരഞ്ഞെടുത്തത്? അതിന് മറുപടിയായി വിദ്യാർഥി പറഞ്ഞത് ന്യൂയോർക്ക് യൂണിവേഴ്സിറ്റിക്ക് ആഗോള പ്രശസ്തിയുണ്ട്, അതോടൊപ്പം എന്റെ അക്കാദമിക് താല്പ്പര്യങ്ങള്ക്ക് സിവില് എഞ്ചിനീയറിംഗ് ഡിപ്പാർട്ട്മെന്റ് അനുയോജ്യമാണ്. കൂടാതെ ന്യൂയോർക്ക് യൂണിവേഴ്സിറ്റിയില് നിന്ന് 8,000 ഡോളറിന്റെ മെറിറ്റ് സ്കോളർഷിപ്പും ലഭിച്ചു എന്നും വിദ്യാർഥി കൂട്ടിച്ചേർത്തു.
പിന്നീട് അടുത്ത ചോദ്യം ചോദിക്കാൻ പോലും ഉദ്യോഗസ്ഥർ തയ്യാറായില്ല. ശേഷം വിസ ഓഫീസർ യുവർ വിസ ഈസ് ഡിനൈഡ്, ട്രൈ എഗൈൻ ലേറ്റർ എന്ന് പറഞ്ഞു വിസ ഓഫീസർ വിദ്യാർഥിയുടെ വിസ നിരസിച്ചു. വിദ്യാർത്ഥിയുടെ ഈ മറുപടിയാണ് വിസ നിരസിക്കാൻ കാരണമെന്നാണ് വിദഗ്ദർ പറയുന്നത്.
വിദ്യാർഥി വിസ ഇന്റർവ്യൂവിന് വരുന്ന ഭൂരിഭാഗം വിദ്യാർത്ഥികളും പറയുന്നത് മികച്ച സർവകലാശാല, നല്ല റാങ്കിങ് എന്നൊക്കെയാണ്. എന്നാല് ഇതൊക്കെ എല്ലാവർക്കും അറിയാവുന്ന കാര്യമാണെന്ന് അഭിഭാഷകർ പറയുന്നത്. ഇത് പറയുന്നതിന് പകരം നിങ്ങളുടെ കോഴ്സ് ഏതാണെന്നും,ഏത് പ്രൊഫസറുടെ റിസർച്ചാണ് നിങ്ങള് ആകർഷിച്ചത് എന്ന് പറയണം. കൂടാതെ കോഴ്സ് കഴിഞ്ഞ ശേഷം ഇന്ത്യയിലേക്ക് നിങ്ങള് മടങ്ങി വരുന്നു എന്ന് അവർക്ക് ബോധ്യപെടുത്തികൊടുക്കണം. ഈ ഡിഗ്രി കൊണ്ട് സ്വന്തം നാട്ടില് നിങ്ങള്ക്ക് കരിയർ ബില്ഡ് ചെയ്യാൻ സാധിക്കുമെന്നും അവർക്ക് ബോധ്യപെടുത്തി കൊടുക്കണം. അതുപോലെ ഇന്റർവ്യൂവിനു നിങ്ങള് ചോദിക്കുന്ന ചോദ്യങ്ങള്ക്ക് മാത്രം മറുപടി പറയണമെന്നും വിദഗ്ദർ പറയുന്നു.
