തിരുവനന്തപുരം: യൂണിവേഴ്സിറ്റി കോളജ് സംഘർഷവുമായി ബന്ധപ്പെട്ട് മൂന്ന് എസ്‌എഫ്‌ഐ പ്രവർത്തകരെ കൂടി പൊലീസ് അറസ്റ്റ് ചെയ്തു.
ശ്രീജിത്ത്, ആദർശ്, അരുണ്‍ എന്നിവരെയാണ് കന്റോണ്‍മെന്റ് പൊലീസ് ഇന്നലെ രാത്രി അറസ്റ്റ് ചെയ്തത്.
സംഘർഷവുമായി ബന്ധപ്പെട്ട് കണ്ടാലറിയാവുന്ന 75 പേരെക്കൂടി പ്രതികളാക്കി പൊലീസ് കേസെടുത്തിട്ടുണ്ട്. കൂടുതല്‍ അറസ്റ്റുകള്‍ ഉടൻ ഉണ്ടായേക്കുമെന്ന് പൊലീസ് അറിയിച്ചു.
പൊലീസ് ഉദ്യോഗസ്ഥരെ വടികൊണ്ട് ആക്രമിച്ചെന്ന കേസിലാണ് ഡിവൈഎഫ്‌ഐ നേതാവും എസ്‌എഫ്‌ഐ പ്രവർത്തകനുമായ ആദർശിന്റെ അറസ്റ്റ്. പാളയം മാർക്കറ്റിന് മുന്നിലെ കോണ്‍ഗ്രസ് കൊടിമരം തകർത്ത സംഭവത്തിലാണ് ശ്രീജിത്തിനെയും അരുണിനെയും അറസ്റ്റ് ചെയ്തത്.
വാഹനത്തില്‍ യാത്ര ചെയ്യുന്നതിനിടെ തടഞ്ഞുനിർത്തിയാണ് ഇരുവരെയും പൊലീസ് പിടികൂടിയത്.
