ഇൻഡോർ: വെസ്റ്റിൻഡീസിനെതിരായ മൂന്നാം ട്വന്റി-20യില്‍ ഇന്ത്യയ്ക്ക് 14 റണ്‍സിന്റെ തകർപ്പൻ ജയം.
ഇന്ത്യ ഉയർത്തിയ 224 റണ്‍സ് വിജയലക്ഷ്യം പിന്തുടർന്ന വെസ്റ്റിൻഡീസിന് 20 ഓവറില്‍ ഏഴ് വിക്കറ്റ് നഷ്ടത്തില്‍ 209 റണ്‍സെടുക്കാനേ കഴിഞ്ഞുള്ളൂ.
ജയത്തോടെ അഞ്ചു മത്സരങ്ങളടങ്ങിയ പരമ്പരയില്‍ ഇന്ത്യ 2-1ന് മുന്നിലെത്തി. ആദ്യം ബാറ്റുചെയ്ത ഇന്ത്യ 20 ഓവറില്‍ എല്ലാവരും പുറത്തായി 223 റണ്‍സെടുത്തു.
ഓപ്പണർ അഭിഷേക് ശർമ്മയുടെ വെടിക്കെട്ട് ബാറ്റിംഗാണ് ഇന്ത്യൻ ഇന്നിംഗ്സിന് കരുത്തായത്. വെറും 30 പന്തില്‍ 69 റണ്‍സെടുത്ത അഭിഷേക് ആറു ഫോറും അഞ്ചു സിക്സറും നേടി.
തുടക്കം മുതല്‍ ആക്രമിച്ചു കളിച്ച താരം വിൻഡീസ് ബൗളർമാർക്ക് കടുത്ത സമ്മർദമാണ് സൃഷ്ടിച്ചത്.
18 പന്തില്‍ 37 റണ്‍സുമായി ഇഷാൻ കിഷൻ മികച്ച പിന്തുണ നല്‍കി. വൈസ് ക്യാപ്ടൻ തിലക് വർമ്മ 16 പന്തില്‍ 28 റണ്‍സെടുത്തു.
നിതീഷ് കുമാർ റെഡ്ഡി 14 പന്തില്‍ 21 റണ്‍സും അക്സർ പട്ടേല്‍ 14 പന്തില്‍ 20 റണ്‍സും നേടി.
കഴിഞ്ഞ മത്സരത്തില്‍ അർദ്ധസെഞ്ച്വറി നേടി തിളങ്ങിയ മലയാളി താരം സഞ്ജു സാംസണ് ഇത്തവണ മികച്ച പ്രകടനം കാഴ്ചവയ്ക്കാൻ കഴിഞ്ഞില്ല. ക്യാപ്ടൻ ശ്രേയസ് അയ്യർ ഒരു റണ്‍സെടുത്ത് കൂടാരം കയറി. വെസ്റ്റിൻഡീസിനായി റോസ്റ്റണ്‍ ചേസ്, ഷമർ സ്പ്രിംഗർ എന്നിവർ രണ്ടു വിക്കറ്റ് വീതം വീഴ്ത്തി.
