തിരുവനന്തപുരം:ട്രെയിൻ യാത്രകാരുടെ വളരെ കാലത്തെ ആവശ്യങ്ങൾക്ക് പരിഹാരമാവുന്നു.
വേണാട് എക്സ്പ്രസിൽ കോച്ചുകളിൽ മാറ്റം വരുത്തി റെയിൽവേ.
ആദ്യഘട്ടത്തിൽ മാറ്റിയത് 10 കോച്ചുകൾ.
പഴയ കോച്ചുകളിൽ ഇരുന്ന് സഞ്ചരിക്കാൻ ആവുക 108 പേർക്ക് എങ്കിൽ പുതിയ കോച്ചിൽ ഇരുന്ന് 220 പേർക്ക് ഇരുന്ന് സഞ്ചരിക്കാം
സീറ്റുകൾക്കിടയിൽ കൂടുതൽ അകലവും അധിക വാതിലുകളും ഉൾപ്പെടുത്തിയിട്ടുണ്ട്.
ഇന്നലെ മുതൽ പുതിയ കോച്ചുകൾ സർവീസ് ആരംഭിച്ചു.
ശേഷിക്കുന്ന ആറ് അൺറിസർവ്ഡ് കോച്ചുകൾ കൂടി മാറ്റും.
യാത്രാസൗകര്യവും സുരക്ഷയും മെച്ചപ്പെടുത്തുക ലക്ഷ്യം എന്ന് റെയിൽവേ അറിയിച്ചു.
ജനശതാബ്ദി ട്രെയിനിൽ പുഷ്ബാക് സീറ്റുള്ള കോച്ചുകൾ അടുത്തയാഴ്ച ഉൾപ്പെടുത്തും. 16 കോച്ചുകളാണ് കൊച്ചുവേളിയിൽ എത്തിച്ചിരിക്കുന്നത്.
പുതിയ കോച്ചുകൾ തിരുവനന്തപുരം–കോഴിക്കോട് ജനശതാബ്ദിക്ക് നൽകാൻ ആലോചിച്ചിരുന്നെങ്കിലും
ദൂരക്കൂടുതൽ കണക്കിലെടുത്തു തിരുവനന്തപുരം–കണ്ണൂർ ജനശതാബ്ദിക്ക് ഇവ ആദ്യം നൽകുന്നതു പരിഗണിക്കുന്നുണ്ട്.
ജനശതാബ്ദിയിലെ സെക്കൻഡ് സിറ്റിങ് കോച്ചുകളിലെ ചരിവില്ലാത്ത സീറ്റുകൾ സംബന്ധിച്ചു വ്യാപകപരാതി ഉയർന്നതോടെയാണ് പുതിയ കോച്ചുകൾ കപൂർത്തല കോച്ച് ഫാക്ടറിയിൽ നിന്നു ലഭ്യമാക്കാൻ റെയിൽവേ ബോർഡ് നിർദേശംനൽകിയത്.
എറണാകുളം–ബെംഗളൂരു ഇന്റർസിറ്റി ട്രെയിനിലെയും സീറ്റുകൾ മാറ്റണമെന്ന ആവശ്യം ശക്തമാണ്.
