മുംബൈ: ടൈഗർ ഷ്റോഫ് വധശ്രമകേസ് പ്രതികള്‍ പല ബോളിവുഡ് താരങ്ങളെയും ലക്ഷ്യമിട്ടതായി പൊലീസ്.
മുംബൈയിലെ താരങ്ങളുടെ വീടുകളില്‍ പ്രതികള്‍ നിരീക്ഷണം നടത്തിയതായി കണ്ടെത്തി.
അക്രമികള്‍ക്ക് തോക്ക് എത്തിച്ചു നല്‍കിയ യുവതികള്‍ ഉള്‍പ്പടെ നാലുപേരെ കസ്റ്റഡിയില്‍ വിട്ടു. ഇതിനിടെ കേസില്‍ രണ്ട് പേരെ കൂടി പൊലീസ് അറസ്റ്റ് ചെയ്തു.
സല്‍മാൻ ഖാനെ ലക്ഷ്യമിട്ടെത്തിയ അക്രമികള്‍ മറ്റ് ആറ് ബോളിവുഡ് താരങ്ങളെയും നിരീക്ഷിച്ചതായാണ് വിവരം. വൈ പ്ലസ് കാറ്റഗറി സുരക്ഷയുളള സല്‍മാനെ ആക്രമിക്കാൻ സാധിക്കില്ലെന്നുറപ്പായതോടെ അമിതാഭ് ബച്ചൻ, ആമിർ ഖാൻ, ഷാരൂഖ് ഖാൻ, രണ്‍ബീർ കപൂർ തുടങ്ങിയവരുടെ വീടുകളിലുമെത്തി.
പൊതുമധ്യത്തില്‍ ഇടയ്ക്കിടെയെത്തുന്ന സുരക്ഷ കുറവുളള ടൈഗർ ഷ്റോഫിനെ തെരഞ്ഞെടുത്തതങ്ങനെയെന്നാണ് മൊഴി.
ഇതിനിടെ അമൃത്സറില്‍ നിന്ന് തോക്ക് എത്തിച്ചു നല്‍കിയ ജതിൻ, മുംബൈയില്‍ അക്രമികളോടൊപ്പമുണ്ടായിരുന്ന സമീർ എന്നിവരെ പൊലീസ് അറസ്റ്റ് ചെയ്തു. ഇതോടെ കേസില്‍ പിടിയിലായവരുടെ എണ്ണം 10 ആയി.
