തിരുവനന്തപുരം : സംസ്ഥാനത്ത് തിരുവോണം ബമ്പര് ഭാഗ്യക്കുറിയുടെ നറുക്കെടുപ്പ് നാളെ നടക്കും. ഭാഗ്യവാൻ ആരാണെന്ന് അറിയാൻ ഇനി മണിക്കൂറുകൾ മാത്രമാണ് ബാക്കിയുള്ളത്. തിരുവനന്തപുരം ഗോര്ഖി ഭവനില് വച്ചാണ് നറുക്കെടുപ്പ് നടക്കുക.
നാളെ ഉച്ചയ്ക്ക് 1.30ന് നടക്കുന്ന ചടങ്ങില് മന്ത്രി കെ മുരളീധരന് നറുക്കെടുപ്പ് ഉദ്ഘാടനം ചെയ്യും. 30 കോടി രൂപയാണ് ഒന്നാം സമ്മാനം. തിരുവോണം ബമ്പര് 2026ന്റെ 90 ലക്ഷം ടിക്കറ്റുകളാണ് അച്ചടിച്ചത്. ഇതില് 89.85 ലക്ഷം ടിക്കറ്റുകള് ഇതിനകം വിറ്റഴിഞ്ഞു.
അതേസമയം സംസ്ഥാന ഭാഗ്യക്കുറിചരിത്രത്തില് ആദ്യമായാണ് ഒന്നാം സമ്മാനം 30 കോടി രൂപയായി ഉയര്ത്തുന്നത്. ചടങ്ങില് പൂജ ബമ്പര് ഭാഗ്യക്കുറി ടിക്കറ്റിന്റെ പ്രകാശനവും മന്ത്രി നിര്വഹിക്കും. ഭാഗ്യക്കുറി വകുപ്പ് ഡയറക്ടര് അഞ്ജു കെഎസ് അധ്യക്ഷത വഹിക്കും.
