കോട്ടയം : മുട്ടമ്പലം കൊപ്രത്ത് ശ്രീദുർഗ്ഗാ ഭഗവതി ക്ഷേത്രത്തിൽ കറുത്ത വാവ് ദിനമായ ആഗസ്റ്റ് 12 ബുധനാഴ്ച്ച രാവിലെ 7 മണി മുതൽ തിലഹോമം നടക്കും. ക്ഷേത്രം മേൽശാന്തി പരിപ്പ് കാളകാട്ടില്ലം ഹരികുമാർ കെ വിഷ്ണു നമ്പൂതിരിയുടെ മുഖ്യകാർമ്മികത്വത്തിലാണ് തിലഹോമം നടക്കുന്നത്.
പ്രത്യേകം സജ്ജികരിക്കുന്ന യജ്ഞമണ്ഡപത്തിൽ രാവിലെ 10.30ന് ആണ് ദർശന പ്രധാനം ആയ ദീപാരാധന നടക്കുക. കൂടാതെ ക്ഷേത്രത്തിന് സമീപം കൊപ്രത്ത് കടവിൽ മുട്ടമ്പലം ഗുരുധർമ്മ സമിതിയുടെ ആഭിമുഖ്യത്തിൽ രാവിലെ 5 മണി മുതൽ ബലിതർപ്പണം സജ്ജികരിച്ചിട്ടുണ്ട്.
ക്ഷേത്രത്തിൻ്റെ ആറാട്ട് കടവിൽ മുട്ടമ്പലം വിശ്വഹിന്ദു പരിഷത്തിൻ്റെ ആഭിമുഖ്യത്തിൽ ബലി തർപ്പണ സൗകര്യം ഒരുക്കിയിട്ടുണ്ട് . ഓഗസ്റ്റ് 17 ചിങ്ങം ഒന്നിന് രാവിലെ ക്ഷേത്രത്തിലെ നിറപുത്തരി പൂജയും നടക്കും.
കൂടുതൽ വിവരങ്ങൾക്ക് ഫോൺ : 04812584411, 9645258441.
