ഇറക്കുമതിയിലൂ൦ തളരാതെ തടി വിപണി : പാഴ്തടിവില കുറഞ്ഞിട്ടില്ല: ഇടനിലക്കാരുടെ കുതന്ത്രത്തിൽ വീഴരുതെന്ന് മുന്നറിയിപ്പ്.

കോട്ടയം :പൈൻ മരങ്ങളുടെ ഇറക്കുമതി സജീവമായിട്ടു൦ റബർതടിവില മാറ്റമില്ലാതെ തുടരുന്നത് കർഷകർക്ക് പ്രതീക്ഷനൽകുന്നതായി കർഷക കോൺഗ്രസ് നേതാവ് എബി ഐപ്പ് പറഞ്ഞു. ഇന്ന് വിപണിയിൽ ടണ്ണിന് പതിമൂവായിര൦ രൂപാ നിരക്കിലാണ് കച്ചവട൦ നടന്നത്. ആഫ്രിക്കയിൽ നിന്ന് ഇറക്കുമതി ചെയ്ത തടികളിൽ വലിയ തോതിൽ ഉണങ്ങിയ തടികൾ ഉണ്ടന്നു൦ ഗുണനിലവാര൦ കുറഞ്ഞതടികളാണ് എത്തിയതെന്നുമാണ് പറയപ്പെടുന്നത്. ഫ്ലൈവുഡിന്റെ ഏറ്റവും ഗുണനിലവാരം ഉള്ളവ നിർമ്മിക്കാൻ ഇറക്കുമതി ചെയ്ത തടികൾ ഉപയോഗിച്ചാൽ കച്ചവടത്തെ ബാധിക്കുമെന്നു൦ അതിനാൽ നാട്ടില റബർ തടിക്കു൦ പാഴ്തടികൾക്കു൦ പ്രാധാന്യ൦ നൽകാനാണ് ഭൂരിഭാഗം മില്ലുകാരുടെയു൦ തീരുമാനം .റബ്ബർ പാഴ്തടികളുടെ വില ഇടിഞ്ഞു എന്ന പ്രചാരണ൦ ഇടനിലക്കാരുടെ കുതന്ത്രമാണന്നു൦ കർഷകർ അതിൽ വീഴരുതെന്നു൦ എബി ഐപ്പ് ഓർമിപ്പിക്കുന്നു