ലാഹോര്‍: ഇംഗ്ലണ്ടിനെതിരായ ത്രിരാഷ്ട്ര പരമ്പരയിൽ പരമ്പരാഗത പച്ച ജേഴ്‌സിക്ക് പകരം പിങ്ക് കുപ്പായമണിഞ്ഞ് ഗ്രൗണ്ടിലിറങ്ങി പാകിസ്ഥാൻ ടീം.
ലാഹോറിലെ ഗദ്ദാഫി സ്റ്റേഡിയത്തിൽ നടക്കുന്ന മത്സരത്തിലാണ് പാകിസ്ഥാൻ പിങ്ക് ജേഴ്സി ധരിച്ച് കളിക്കാനിറങ്ങിയത്.
സ്തനാർബുദത്തെക്കുറിച്ചുള്ള ബോധവൽക്കരണത്തിനായാണ് (പിങ്ക്ടോബർ) പാകിസ്ഥാൻ ടീം ഈ പ്രത്യേക പിങ്ക് ജേഴ്സി ധരിച്ചത്.
'പിങ്ക് റിബൺ പാകിസ്ഥാൻ' എന്ന സംഘടനയുമായി സഹകരിച്ചാണ് പിസിബി ഈ ബോധവൽക്കരണ ക്യാമ്പയിൻ സംഘടിപ്പിക്കുന്നത്.
രോഗത്തെക്കുറിച്ചുള്ള കൃത്യമായ വിവരങ്ങൾ പങ്കുവെക്കാനും, ആദ്യഘട്ടത്തിൽ തന്നെ കൃത്യമായ പരിശോധനകളും ചികിത്സയും തേടാൻ ജനങ്ങളെ പ്രോത്സാഹിപ്പിക്കാനുമാണ് ക്രിക്കറ്റിന്‍റെ വലിയ ജനപ്രീതിയെ ബോർഡ് ഉപയോഗപ്പെടുത്തുന്നത്.
