കോട്ടയം: സാമൂഹിക വിഷയങ്ങളിൽ പാർട്ടി പ്രവർത്തകർ കൂടുതൽ സജീവമായി ഇടപെടണമെന്ന് ആർഎസ്പി ജില്ലാ സെക്രട്ടറി ടി.സി. അരുൺ ആവശ്യപ്പെട്ടു.
ആർഎസ്പി കോട്ടയം ടൗൺ ലോക്കൽ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സമൂഹത്തിലെ സാധാരണക്കാരുടെ പ്രശ്നങ്ങൾ ഏറ്റെടുത്ത് പരിഹാരം കാണുന്നതിനും ജനകീയ വിഷയങ്ങളിൽ ശക്തമായ ഇടപെടൽ നടത്തുന്നതിനും പാർട്ടി പ്രവർത്തകർ മുന്നിട്ടിറങ്ങണമെന്നും അദ്ദേഹം പറഞ്ഞു.
റവല്യൂഷണറി സോഷ്യലിസ്റ്റ് പാർട്ടിയുടെ (ആർഎസ്പി) കോട്ടയം ടൗൺ ലോക്കൽ സമ്മേളനം ജില്ലാ സെക്രട്ടറി ടി.സി. അരുൺ ഉദ്ഘാടനം ചെയ്തു. സമ്മേളനത്തിൽ പാർട്ടിയുടെ സംഘടനാ പ്രവർത്തനങ്ങൾ, നിലവിലെ രാഷ്ട്രീയ സാഹചര്യങ്ങൾ, ജനകീയ വിഷയങ്ങൾ എന്നിവ ചർച്ച ചെയ്തു.
പാർട്ടിയുടെ പ്രവർത്തനം കൂടുതൽ ശക്തിപ്പെടുത്തുന്നതിനും ജനകീയ പ്രശ്നങ്ങളിൽ സജീവമായി ഇടപെടുന്നതിനുമുള്ള നടപടികൾ സമ്മേളനം വിലയിരുത്തി.സമേളനത്തിൽ മണ്ഡലം സെക്രട്ടറി സ്റ്റീഫൻ ജേക്കബ് അദ്ധ്യക്ഷത വഹിച്ചു.RYF ജില്ലാ പ്രസിഡന്റ്‌ ടിംസ്,ഗ്ലാഡ്സൻ ജേക്കബ്, ഫ്രാൻസിസ് കെ എൽ,അൻസാരി കോട്ടയം, ടി ടി കുര്യാക്കോസ്, പ്രമോദ് ഒറ്റക്കണ്ടം, രാജേഷ് നട്ടാശ്ശേരി, വേണു ഗോപാൽ എന്നിവർ സംസാരിച്ചു. അൻസാരി കോട്ടയം സെക്രട്ടറി ആയിട്ടുള്ള 11 അംഗ കമ്മിറ്റിയെ സമ്മേളനം തെരഞ്ഞെടുത്തു.
