തൃശൂർ: പുതുക്കാട് പൊലീസ് സ്റ്റേഷനില് എസ്ഐ ഉള്പ്പെടെയുള്ളവർക്ക് കൂട്ട സസ്പെൻഷൻ.
എസ് ഐ സി എം മഹേഷ്, സി പിമാരായ എം യു ഫൈസല്, ഇ സി യദുകൃഷണൻ, പി ഡി നവീൻകുമാർ എന്നിവരെയാണ് സസ്പെന്റ് ചെയ്തത്.
ക്രിമിനല് കേസ് പ്രതികളെ പിന്തുടരുന്നതിനിടെ പൊലീസ് ജീപ്പിടിച്ച് പരിക്കേറ്റവരെ ആശുപത്രിയില് എത്തിക്കാത്തതിലാണ് നടപടി.
ജൂലായ് 19നാണ് അപകടം നടന്നത്. തട്ടുക്കടയില് അടിപിടിയുണ്ടാക്കിയ ക്രിമിനല് സംഘത്തെ പിൻതുടരുന്നതിനിടെയായിരുന്നു അപകടം.പൊലീസ് ജീപ്പിടിച്ച് വരന്തരപ്പിള്ളി സ്വദേശി അഭിഷേകിന് പരിക്കേറ്റിരുന്നു. ബൈക്കില് നിന്ന് വീണ അഭിഷേകിനെ പൊലീസ് ഉദ്യോഗസ്ഥർ ആശുപത്രിയില് എത്തിച്ചില്ല. സംഭവത്തില് തൃശൂർ ഡിഐജി ടി. നാരായണനാണ് പൊലീസ് ഉദ്യോഗസ്ഥർക്കെതിരെ നടപടി സ്വീകരിച്ചത്.
