തിരുവനന്തപുരം: കേരളത്തിലൂടെ സർവീസ് നടത്തുന്ന എട്ട് ട്രെയിനുകളുടെ സൂപ്പർഫാസ്റ്റ് പദവി മാറ്റുന്നു.
ഇവയെ എക്‌സ്പ്രസ് വിഭാഗത്തിലേക്ക് മാറ്റാനാണ് റെയില്‍വേ ബോർഡിന്റെ തീരുമാനം. കഴിഞ്ഞ ദിവസം ചേർന്ന റെയില്‍വേ ബോർഡ് യോഗത്തിലാണ് ഇത് സംബന്ധിച്ച്‌ തീരുമാനമായത്.
2027 ജനുവരി ഒന്നു മുതല്‍ മാറ്റങ്ങള്‍ പ്രാ
ബല്യത്തില്‍ വരും. സൂപ്പർഫാസ്റ്റ് വിഭാഗത്തില്‍ നിന്ന് എക്‌സ്പ്രസിലേക്ക് മാറുന്നതോടെ യാത്രക്കാർക്ക് ടിക്കറ്റ് നിരക്കില്‍ കുറവുണ്ടാകും.
സൂപ്പർഫാസ്റ്റ് ട്രെയിനുകള്‍ക്ക് അധികമായി ഈടാക്കുന്ന സപ്ലിമെന്ററി ചാർജായ 15 രൂപ മുതല്‍ 45 രൂപ വരെയുള്ള തുക ഇനി നല്‍കേണ്ടിവരില്ല.
അതേസമയം, ട്രെയിനുകളുടെ സമയക്രമത്തിലോ സ്‌റ്റോപ്പുകളിലോ മാറ്റമുണ്ടാകില്ല. നിലവിലെ സർവീസ് രീതിയില്‍ തന്നെ ട്രെയിനുകള്‍ തുടരും.
കോഴിക്കോട് -തിരുവനന്തപുരം ജനശതാബ്ദി സൂപ്പർഫാസ്റ്റ് എക്‌സ്പ്രസിന്റെ നമ്പർ 12075 എന്നതില്‍ നിന്ന് 16375 ആയി മാറും. മടക്കയാത്രയിലെ നമ്പർ 16376 ആകും. കണ്ണൂർ-തിരുവനന്തപുരം ജനശതാബ്ദി സൂപ്പർഫാസ്റ്റ് എക്‌സ്പ്രസിലെ നിലവിലെ 12081 എന്ന നമ്പർ മാറി 16379 ആകും.
തിരുവനന്തപുരം-കണ്ണൂർ സർവീസിന്റെ നമ്പർ 16380 ആയും മാറും. ഈ രണ്ട് ജനശതാബ്ദി സർവീസുകളും ഇനി എക്‌സ്പ്രസ് വിഭാഗത്തിലായിരിക്കും. എറണാകുളം-പട്‌ന ബൈവീക്കിലി എക്‌സ്പ്രസിന്റെ നമ്പർ 22643 എന്നതില്‍ നിന്ന് 16359 ആകും. പട്‌ന-എറണാകുളം സർവീസിന്റെ 22644 എന്ന നമ്പർ 16360 ആയും മാറും.
തിരുവനന്തപുരം നോർത്ത് ലോക്മാന്യതിലക് സർവീസുകളുടെ നമ്പറുകളിലും മാറ്റമുണ്ടാകും. നിലവിലെ 12201, 12202 എന്നീ നമ്പറുകള്‍ യഥാക്രമം 16371, 16372 എന്നിങ്ങനെയാകും.
എന്നാല്‍ തിരുവനന്തപുരം നോർത്ത്-ലോക്മാന്യതിലക് സർവീസുകളിലെ നമ്പർ മാറ്റം ജനുവരി ഒന്നിന് തന്നെ നടപ്പാക്കില്ല. ജനുവരി ആദ്യവാരത്തിന് ശേഷമായിരിക്കും പുതിയ നമ്പറുകള്‍ നിലവില്‍ വരിക.
