കൊച്ചി: കേരള ഹൈക്കോടതിയുടെ കീഴിലുള്ള ജില്ലാ കോടതികളില്‍ ജോലി ഒഴിവ്. സിസ്റ്റം അസിസ്റ്റന്റ് തസ്തികയിലാണ് അവസരം. ആകെ 90 ഒഴിവുകള്‍ ഉണ്ട്.
ഡിസംബർ 14 വരെയാണ് അപേക്ഷിക്കാനാകുക. യോഗ്യത, ശമ്പളം, ആർക്കൊക്കം അപേക്ഷിക്കാം തുടങ്ങിയ വിശദാംശങ്ങള്‍ അറിയാം
തിരുവനന്തപുരം - 10, കൊല്ലം - 8, പത്തനംതിട്ട - 4, ആലപ്പുഴ - 7, കോട്ടയം - 7, തൊടുപുഴ - 4, എറണാകുളം - 12, തൃശൂർ - 7, പാലക്കാട് - 7, മഞ്ചേരി - 5, കോഴിക്കോട് - 8, കല്‍പ്പറ്റ - 3, തലശ്ശേരി - 6, കാസർകോട് - 2 എന്നിങ്ങനെയാണ് ഒഴിവുകള്‍.
കമ്പ്യൂട്ടർ അല്ലെങ്കില്‍ ഇലക്‌ട്രോണിക്സില്‍ 3 വർഷത്തെ പ്രവൃത്തിപരിചയം ആവശ്യമാണ്. അല്ലെങ്കില്‍ ഉയർന്ന യോഗ്യതയോ അതുമല്ലെങ്കില്‍ കമ്പ്യൂട്ടർ സയൻസില്‍ ബിഎസ്സിയോ അല്ലെങ്കില്‍ ബിസിഎയോ ആണ് യോഗ്യത.
ഹാർഡ്വെയർ ട്രെബിള്‍ ഷൂട്ടിംഗില്‍ രണ്ട് വർഷത്തെ പ്രവൃത്തിപരിചയം വേണം. കൂടാത കമ്പ്യൂട്ടർ നെറ്റ്വർക്കിംഗില്‍ അറിവും ഉണ്ടായിരിക്കണം. കേരളത്തിലെ ഇ കോർട്ട് പ്രൊജക്ടിലോ അല്ലെങ്കില്‍ ലിനക്സ് അടിസ്ഥാനപ്പെടുത്തിയുള്ള പ്ലാറ്റ്ഫോമുകളിലോ ഒരു വർഷത്തെ പ്രവൃത്തിപരിചയവും ആവശ്യമാണ്.
1985 ജനുവരി 2 ന് ശേഷം ജനിച്ചവരായിരിക്കണം. തിരഞ്ഞെടുക്കപ്പെടുന്നവർക്ക് 24,590 രൂപയാണ് ശമ്പളമായി ലഭിക്കുക.
കരാർ നിയമനമാണ്.രണ്ട് വർഷത്തേക്കായിരിക്കും നിയമനം. പ്രകടനത്തിൻ്റെ അടിസ്ഥാനത്തില്‍ കാലാവധി നീട്ടി നല്‍കും. അഭിമുഖത്തിൻ്റെ അടിസ്ഥാനത്തിലായിരിക്കും നിയമനം. അപേക്ഷ ഫീസ് ഇല്ല. കേരള ഹൈക്കോടതിയുടെ ഔദ്യോഗിക റിക്രൂട്ട്‌മെന്റ് പോർട്ടലായ https://hckrecruitment.keralacourts.in വഴി ഓണ്‍ലൈനായാണ് അപേക്ഷിക്കേണ്ടത്. കൂടുതല്‍ വിവരങ്ങള്‍ക്ക് file:///C:/Users/Greynium/Downloads/announcement_399%20(1).pdf
താത്കാലിക നിയമനം
തിരുവനന്തപുരം കേരള സംസ്ഥാന ശാസ്ത്ര സാങ്കേതിക മ്യൂസിയത്തില്‍ ഡാറ്റാ എൻട്രി ഓപ്പറേറ്റർ, ലോവർ ഡിവിഷൻ ടൈപ്പിസ്റ്റ്, പ്ലംബർ, ആർട്ടിസ്റ്റ്, വെല്‍ഡർ കം ബ്ലാക്ക് സ്മിത്ത്, ഡ്രൈവർ, പ്യൂണ്‍, ക്ലീനിങ് സ്റ്റാഫ്, വർക്ക് ഷോപ്പ് അറ്റൻഡർ (നോണ്‍ ടെക്നിക്കല്‍) എന്നീ തസ്തികകളില്‍ ദിവസവേതനാടിസ്ഥാനത്തില്‍ താത്കാലിക നിയമനത്തിന് അപേക്ഷ ക്ഷണിച്ചു. അപേക്ഷയുടെ വിശദവിവരങ്ങള്‍ www.kstmuseum.com ല്‍ ലഭ്യമാണ്. അപേക്ഷ സ്വീകരിക്കുന്ന അവസാന തീയതി നവംബർ 24 വൈകിട്ട് അഞ്ചുവരെ.
റേഡിയോഗ്രാഫർ ട്രെയിനി നിയമനം
കോഴിക്കോട് ഗവണ്‍മെൻ്റ് ഡെൻറല്‍ കോളേജ് ആശുപത്രി വികസന സമിതിയുടെ ഓറല്‍ മെഡിസിൻ & റേഡിയോളജി വിഭാഗത്തില്‍ റേഡിയോഗ്രാഫർ
ട്രെയിനി തസ്തികയിലേക്ക് നിയമനം നടത്തുന്നു. ഡി. ആർ. ടി. /ഡി. ആർ. ആർ. ടി. /ബി. എം. ഐ. ടി. / ബി. എസ്‌. സി. റേഡിയോളജി യോഗ്യതയുള്ളവർക്ക് അപേക്ഷിക്കാം.
ഉദ്യോഗാർത്ഥികള്‍ നവംബർ 17 ന് രാവിലെ 11 ന് സ്ഥാപനത്തില്‍ പ്രിൻസിപ്പാളിനു മുമ്പാകെ നടക്കുന്ന കൂടിക്കാഴ്ച‌യില്‍ ആധാർ കാർഡ്, വയസ്സ്, വിദ്യാഭ്യാസ യോഗ്യത എന്നിവ തെളിയിക്കുന്ന രേഖകളുടെ അസ്സലും പകർപ്പും സഹിതം ഹാജരാകണം.
ഫോണ്‍ : 0495 2356781, 04952350598
