കാസർകോട്: വാടകവീട്ടിൽ അച്ഛനെയും പ്ലസ് ടു വിദ്യാർഥിനിയായ മകളെയും മരിച്ച നിലയിൽ കണ്ടെത്തി. കർണാടക സ്വദേശിയും മീപ്പുകുറിയിൽ താമസക്കാരനുമായ 55കാരൻ ഗണേശൻ, മകൾ വൈഷ്ണവി എന്നിവരാണ് മരിച്ചത്.
ചെമ്മനാട് ഗവൺമെന്റ് ഹയർ സെക്കൻഡറി സ്കൂളിലെ പ്ലസ് ടു വിദ്യാർഥിനിയായിരുന്നു വൈഷ്ണവി. കോഴിയടുക്കം ശിവപുരം ക്ഷേത്രത്തിന് സമീപത്തെ ഇരുനില വാടകവീട്ടിലാണ് ഇരുവരെയും മരിച്ച നിലയിൽ കണ്ടെത്തിയത്.
ഗണേശന്റെ ഭാര്യ ഓമന കോഴിക്കോട് സ്വദേശിനിയും ഹോം നഴ്സുമാണ്. സംഭവസമയത്ത് ഓമന ജോലിസ്ഥലത്തായിരുന്നു. മകൻ ജോലിക്ക് പോയിരുന്നതിനാൽ വീട്ടിൽ മറ്റാരും ഉണ്ടായിരുന്നില്ല.
മരണകാരണം ഉൾപ്പെടെയുള്ള കാര്യങ്ങളിൽ വ്യക്തതയായിട്ടില്ല. സംഭവത്തിൽ പൊലീസ് അന്വേഷണം ആരംഭിച്ചു.
