കണ്ണൂർ: തലശ്ശേരിയിലെ സ്വകാര്യ ആശുപത്രിയിലെ നഴ്സിനെ ഹോസ്റ്റല് മുറിയില് മരിച്ചനിലയില് കണ്ടെത്തി. കൊല്ലം അഷ്ടമുടി സ്വദേശിനിയായ അലീന സാബു(25)വിനെയാണ് തൂങ്ങിമരിച്ച നിലയില് കണ്ടെത്തിയത്.
ഇന്നലെ രാത്രി എട്ടരയോടെയാണ് സംഭവം. മരണത്തിന് ആരും ഉത്തരവാദിയല്ലെന്ന ആത്മഹത്യാക്കുറിപ്പും കണ്ടെടുത്തിട്ടുണ്ട്.
ബുധനാഴ്ച വൈകിട്ടാണ് അലീന നാട്ടില്നിന്ന് തിരിച്ചെത്തിയത്. കഴിഞ്ഞ അഞ്ചുവർഷമായി തലശ്ശേരി ടെമ്പിള്ഗേറ്റിലെ സ്ത്രീകളുടെ ഹോസ്റ്റലിലാണ് താമസം. വ്യാഴാഴ്ച രാത്രി മുറിയില്നിന്ന് പ്രതികരണം ഒന്നും ഇല്ലാതായതോടെ മറ്റുള്ളവർ അലീനയെ പലതവണ വിളിച്ചുനോക്കി. വാതില് തുറക്കാത്തതിനാല് സംശയമായി. തുടർന്ന് വാതില് തകർത്ത് അകത്ത് കടന്നതോടെയാണ് മുറിയില് തൂങ്ങിമരിച്ച നിലയില് കണ്ടത്.
മൃതദേഹം തലശ്ശേരി ജനറല് ആശുപത്രി മോർച്ചറിയിലേക്ക് മാറ്റി. തലശ്ശേരിയില് നാലുവർത്തെ നഴ്സിങ് പഠനം പൂർത്തിയാക്കിയ അലീന, കഴിഞ്ഞ ഒരുവർഷമായി നഴ്സായി ജോലിചെയ്തുവരികയായിരുന്നു. തലശ്ശേരി പൊലീസ് കേസെടുത്ത് അന്വേഷണം ആരംഭിച്ചു
