കൊച്ചി: അക്ഷയ പുസ്തകനിധി എബനേസര് എഡ്യുക്കേഷണല് അസോസിയേഷനുമായി സഹകരിച്ചു നല്കുന്ന പ്രഫ. എം.പി.മന്മഥന് അക്ഷയ പുരസ്കാരത്തിന് കവിയും ഗാനരചയിതാവും ചലച്ചിത്രകാരനുമായ ശ്രീകുമാരന് തമ്പി അര്ഹനായി.
ഒരു ലക്ഷം രൂപയും ശില്പവും അടങ്ങുന്നതാണ് പുരസ്കാരം. സാംസ്കാരിക വിദ്യാഭ്യാസ മേഖലകളില് നല്കിയ മികവാര്ന്ന സേവനത്തെ പരിഗണിച്ച് നല്കുന്ന അക്ഷയ പുരസ്കാരത്തിന് പി. രാമചന്ദ്രന് (സെക്രട്ടറി, എറണാകുളം കരയോഗം),
എന്. നന്ദകുമാര് (പ്രസിഡന്റ് , കൊച്ചി പുസ്തകോത്സവ സമിതി), സുരേഷ് പി.നായര് (പ്രസിഡന്റ്, കേരള കലാസമിതി സൂറത്ത്) എന്നിവര് അര്ഹരായി. എം.ലീലാവതി, പ്രഭാവര്മ, പായിപ്ര രാധാകൃഷ്ണന് എന്നിവരടങ്ങുന്ന സമിതിയാണു വിധിനിര്ണയം നടത്തിയത്.
