പാലക്കാട്: പൂജ അവധിക്ക് ഇതര സംസ്ഥാനങ്ങളില് നിന്ന് കേരളത്തിലേക്ക് സ്പെഷ്യല് ട്രെയിനുകള് പ്രഖ്യാപിച്ച് റെയില്വേ.
ചെന്നൈ, പാട്ന (ബിഹാർ), മാദർ(രാജസ്ഥാൻ) എന്നിവിടങ്ങളില് നിന്നായി നാല് ജോഡി ട്രെയിനുകളാണ് ആദ്യഘട്ടത്തില് പ്രഖ്യാപിച്ചത്. മഹാനവമിയും വിജയദശമിയും ഒക്ടോബർ 20നും 21നും ആണെങ്കിലും നാട്ടിലേക്കുള്ള വലിയ യാത്രാത്തിരക്ക് അതിനു മുമ്പുള്ള വെള്ളിയാഴ്ചയായ ഒക്ടോബർ 16ന് ആരംഭിക്കും. പൂജ അവധിക്ക് ശേഷം ജോലി സ്ഥലത്തേക്ക് മടങ്ങുന്നവർക്കും സ്പെഷ്യല് ട്രെയിനുകളില് ഇപ്പോഴേ ടിക്കറ്റുകള് ഉറപ്പാക്കാം. ട്രെയിനുകളെല്ലാം ഒരു മാസം മുതല് ഒന്നരമാസം വരെ സർവീസ് നടത്തും.
ചെന്നൈ എഗ്മോർകൊല്ലം ജംഗ്ഷൻ ഫെസ്റ്റിവല് സ്പെഷ്യല്(06121) ട്രെയിൻ ഒക്ടോബർ 3 മുതല് 31 വരെ ശനിയാഴ്ചകളില് രാത്രി 11.40ന് പുറപ്പെട്ട് പിറ്റേന്ന് വൈകിട്ട് 4.20ന് കൊല്ലത്തെത്തും. മടക്ക ട്രെയിൻ(06122) ഒക്ടോബർ 4 മുതല് നവംബർ ഒന്ന് വരെ ഞായറാഴ്ചകളില് വൈകിട്ട് 6.45ന് പുറപ്പെട്ട് പിറ്റേന്ന് രാവിലെ 11.35ന് ചെന്നൈ സെൻട്രലില് എത്തും.
തിരുവനന്തപുരം സെൻട്രല്-മാദർ ജംഗ്ഷൻ ഫെസ്റ്റിവല് സ്പെഷ്യല് എക്സ്പ്രസ്(06013) ഒക്ടോബർ 21 മുതല് നവംബർ 25 വരെ ബുധനാഴ്ചകളില് രാവിലെ 7.45നു പുറപ്പെട്ട് വെള്ളിയാഴ്ചകളില് രാവിലെ 11ന് മാദറിലെത്തും. മടക്ക ട്രെയിൻ ഒക്ടോബർ 24 മുതല് നവംബർ 28 വരെ ശനിയാഴ്ചകളില് രാത്രി 9.40നു പുറപ്പെട്ട് തിങ്കളാഴ്ചകളില് രാത്രി 12.45ന് തിരുവനന്തപുരത്തെത്തും.
ചെന്നൈ എഗ്മോർകൊല്ലം ഫെസ്റ്റിവല് സ്പെഷ്യല് എക്സ്പ്രസ്(06117) ഒക്ടോബർ 1 മുതല് 29 വരെ വ്യാഴാഴ്ചകളില് രാത്രി 11.40നു പുറപ്പെട്ട് പിറ്റേന്ന് വൈകിട്ട് 4.20ന് കൊല്ലത്തെത്തും. മടക്ക ട്രെയിൻ ഒക്ടോബർ 2 മുതല് 30 വരെ വെള്ളിയാഴ്ചകളില് വൈകിട്ട് 6.45നു പുറപ്പെട്ട് പിറ്റേന്ന് രാവിലെ 12.30നു ചെന്നൈയിലെത്തും.
എറണാകുളം ജംഗ്ഷൻപാട്ന ഫെസ്റ്റിവല് സ്പെഷ്യല് എക്സ്പ്രസ്(06085) ഒക്ടോബർ 2 മുതല് 30 വരെ വെള്ളിയാഴ്ചകളില് രാത്രി 9.30ന് പുറപ്പെട്ട് തിങ്കളാഴ്ചകളില് രാവിലെ 3.30ന് പാട്നയിലെത്തും. മടക്ക ട്രെയിൻ ഒക്ടോബർ 5 മുതല് നവംബർ 2 വരെ ചൊവ്വാഴ്ചകളില് രാത്രി 12.10ന് പുറപ്പെട്ട് വ്യാഴാഴ്ചകളില് രാവിലെ 10.45ന് എറണാകുളത്തെത്തും.
