ഉർദ: സ്പെയിനില്‍ അതിവേഗ ട്രെയിനുകള്‍ കൂട്ടിയിടിച്ചുണ്ടായ അപകടത്തില്‍ മരണസംഖ്യ 64 ആയി ഉയർന്നു.
മരണസംഖ്യ ഉയർന്നേക്കുമെന്നാണ് വിവരം. ഈ വർഷം രാജ്യത്ത് നടന്ന രണ്ടാമത്തെയും ഈ നൂറ്റാണ്ടിലെ മൂന്നാമത്തെയും വലിയ ട്രെയിൻ അപകടമാണിത്. നിരവധി യാത്രക്കാർക്ക് ഗുരുതരമായി പരിക്കേറ്റിട്ടുണ്ട്. സ്ഥലത്ത് രക്ഷാപ്രവർത്തനം പുരോഗമിക്കുകയാണ്.
പരിക്കേറ്റവരെ കൊണ്ടുപോകാൻ നിരവധി ആംബുലൻസുകളും എയർ ലിഫ്റ്റ് ചെയ്യാനായി ഹെലികോപ്റ്ററുകളും ഇവിടെ എത്തിച്ചിട്ടുണ്ട്. കൂട്ടിയിടിയില്‍ മൂന്ന് ബോഗികള്‍ പൂർണമായും തകർന്നുവെന്നാണ് ലഭിക്കുന്ന വിവരം.
അവശിഷ്ടങ്ങളില്‍ പരിക്കേറ്റവർ കുടുങ്ങിക്കിടക്കാൻ സാധ്യതയുണ്ടെന്ന് കരുതുന്നു. മരിച്ചവരുടെ മൃതദേഹങ്ങള്‍ കൊണ്ടുപോകുന്നതിനും പ്രത്യേക സജ്ജീകരണങ്ങള്‍ ഒരുക്കിയിട്ടുണ്ട്.
സ്വകാര്യ കണ്‍സോർഷ്യമായ ഇറിയോ സർവീസ് ഓപ്പറേറ്റ് ചെയ്തിരുന്ന അതിവേഗ ട്രെയിൻ സിഗ്നല്‍ തകരാർ കാരണം നിർത്തിയിട്ടിരുന്നു. മറ്റൊരു കണ്‍സോർഷ്യമായ റെൻഫെ സർവീസ് പ്രവർത്തിപ്പിക്കുന്ന അതിവേഗ ട്രെയിൻ ഇതേ പാതയിലെത്തി നിർത്തിയിട്ടിരുന്ന ട്രെയിനിലേക്ക് ഇടിച്ചുകയറിയെന്നാണ് വിവരം.
തുടർന്ന് ട്രെയിനുകള്‍ പാളം തെറ്റി മറിഞ്ഞു. സിഗ്നല്‍ ലഭിച്ച ശേഷമാണ് ട്രെയിൻ മുന്നോട്ട് പോയതെന്നാണ് റെൻഫെ സർവീസിൻ്റെ ആദ്യ പ്രതികരണം.
അപകടത്തില്‍ സ്പാനിഷ് പ്രധാനമന്ത്രി നടുക്കം രേഖപ്പെടുത്തി.
