ആലപ്പുഴ: ചെങ്ങന്നൂർ തിരുവൻവണ്ടൂർ ഉമ്മിയാറ്റുകരയില് സ്വകാര്യ ആശുപത്രിക്ക് സമീപത്തുനിന്നും കൂറ്റൻ പെരുമ്പാമ്പിനെ പിടികൂടി.
ഇന്നലെ രാത്രി 11 മണിയോടെയാണ് സംഭവം. വഴിയാത്രക്കാരനാണ് ഏകദേശം 7 മുതല് 8 അടി വരെ നീളമുള്ള പെരുമ്പാമ്പിനെ ആദ്യം കണ്ടത്.
ഉടൻ തന്നെ വിവരം ചെങ്ങന്നൂർ പൊലീസ് സ്റ്റേഷനില് അറിയിക്കുകയായിരുന്നു. പൊലീസിന്റെ സന്ദേശത്തെ തുടർന്ന് സ്ഥലത്തെത്തിയ ഫോറസ്റ്റ് കെയർ ടേക്കർ സാം ജോണിന്റെ നേതൃത്വത്തില് പാമ്പിനെ പിടികൂടുകയായിരുന്നു.
