ഡൽഹി: അമേരിക്കയിലെ രണ്ടാമത്തെ വലിയ നഗരം, ആ നഗരം ഇനി ഭരിക്കാൻ പോകുന്നത് കേരളത്തില്‍ ജനിച്ച ഒരു മലയാളി പെണ്‍കുട്ടിയാണ് .
നിത്യരാമൻ. ലോസ് ആഞ്ചല്‍സിന് ഇതാദ്യമായാണ് ഒരു ഏഷ്യൻ അമേരിക്കൻ മേയർ. ആ നേട്ടമാണ് 45 കാരിയായ നിത്യ സ്വന്തമാക്കിയത്.
നിലവിലെ മേയറും ,നേതാവുമായ കരണ്‍ ബാസിനെയാണ് നിത്യ തോല്‍പ്പിച്ചത്. ബാസ് സാധാരണ നേതാവല്ല. 2008 ല്‍ അമേരിക്കൻ ചരിത്രത്തില്‍ ആദ്യമായി ഒരു സംസ്ഥാന നിയമസഭയുടെ സ്പീക്കറായ കറുത്ത വംശജയായ വനിത. 73 വയസ്സുള്ള ആ കരുത്തുറ്റ നേതാവിന്റെ കാലത്തിനാണ് ഇതോടെ അവസാനമായത്.
പ്രൈമറി തെരഞ്ഞെടുപ്പില്‍ തന്നെ സൂചന കിട്ടിയിരുന്നു. റിപ്പബ്ലിക്കൻ സ്ഥാനാർത്ഥി സ്പെൻസർ പ്രാറ്റ് 25.5ശതമാനം വോട്ട് നേടി. നിത്യ അതിലും മുന്നില്‍. പുറത്തു നിന്ന് വന്ന രണ്ട് പേർ ചേർന്ന് 54ശതമാനത്തിലത്തിലധികം വോട്ട് വാങ്ങിയതോടെ ബാസിന്റെ തോല്‍വി ഏറെക്കുറെ ഉറപ്പായി.ഫൈനലില്‍ 52.7ശതമാനം വോട്ട് നേടി നിത്യ വിജയിച്ചു.
2005 ന് ശേഷം ഇതാദ്യമായാണ് ഒരു സിറ്റിംഗ് മേയർ തോല്‍ക്കുന്നത്.അതിന് രണ്ട് കാരണങ്ങള്‍ ഉണ്ട് .ഒന്ന്, 2025 ലെ വൻ കാട്ടുതീ ദുരന്തം കൈകാര്യം ചെയ്തതില്‍ വന്ന പാളിച്ചകള്‍. ആ രോഷം ജനങ്ങള്‍ക്കുണ്ടായിരുന്നു.രണ്ട്, നഗരത്തിലെ വലിയ പ്രശ്നങ്ങള്‍ . വീടുകളുടെ വിലക്കയറ്റം, തെരുവുകളിലെ ഭവനരഹിതർ, ഇതിന് പുതിയ പരിഹാരം വേണം എന്ന് വോട്ടർമാർ ആഗ്രഹിച്ചു. പ്രാറ്റും ഇതേ പ്രശ്നങ്ങള്‍ തന്നെയാണ് ഉയർത്തിയത്.ഇനി എന്ത്? 2028 ല്‍ ഒളിമ്പിക്സ് ലോസ് ആഞ്ചല്‍സ് ആതിഥേയത്വം വഹിക്കും. അതിന് മുൻപ് തെരുവുകളിലെ ഭവനരഹിതരുടെ എണ്ണം പകുതിയായി കുറയ്ക്കും എന്നാണ് നിത്യയുടെ വലിയ വാഗ്ദാനം.
ഈ വിജയത്തോടെ ഒരു കാര്യം കൂടി,അമേരിക്കയിലെ ഏറ്റവും വലിയ രണ്ട് നഗരങ്ങള്‍, ന്യൂയോർക്കും ലോസ് ആഞ്ചല്‍സും, ഇനി ഭരിക്കുന്നത് ഡെമോക്രാറ്റിക് സോഷ്യലിസ്റ്റുകളായിരിക്കും. 2028 ലെ പ്രസിഡന്റ് തിരഞ്ഞെടുപ്പിന് മുൻപ് ഡെമോക്രാറ്റിക് പാർട്ടിക്കുള്ളില്‍ തന്നെ വലിയ ചർച്ചയ്ക്ക് ഇത് തുടക്കമിടും.ഡിസംബർ 14 ന് നിത്യരാമൻ മേയറായി സത്യപ്രതിജ്ഞ ചെയ്യും.
