കോട്ടയം: ഗൂഗിൾ പേ വഴി പണമയച്ച വ്യക്തിക്ക് ഒരു കൈയ്യബദ്ധം. ഒരു നമ്പർ തെറ്റി. നഷ്ടപ്പെട്ടത് 19,000 രൂപ. എന്നാൽ മിനിട്ടുകൾക്കകം നഷ്ടപ്പട്ടു എന്നു കരുതിയ പണം തിരികെ കിട്ടി.
കോട്ടയം സ്വദേശിയും ലയൺസ് ക്ലബ് റാപ്പിഡ് ആക്ഷൻ ഫോഴ്സ്ചെയർമാനും ലയൺസ് സിസ്ട്രിക്ട് മാർക്കറ്റിംഗ് ചെയർമാനുമായ എം.പി.രമേഷ് കുമാറിനാണ് ആദ്യം പണം നഷ്ടപ്പെട്ടത്. ഇദ്ദേഹം തിരുവനന്തപുരത്ത് ഒരു മീറ്റിംഗിൽ പങ്കെടുത്തു കൊണ്ടിരിക്കെയാണ് ഗൂഗിൾ പേ വഴി പണമിടപാട് നടത്തിയത്.
കോട്ടയം സ്വദേശിയായ ഷാജിക്ക് 19,000 രൂപ അയച്ചു. എന്നാൽ കിട്ടിയത് മറ്റൊരു ഷാജിക്ക്. ഒരു നമ്പർ മാറിപ്പോയതാണ് അബദ്ധമായത്. പണം അയച്ചത് മാറിപ്പോയി എന്ന് മനസിലായതോടെ പണം കിട്ടിയ ഷാജിയെ ഫോണിൽ ബന്ധപ്പെട്ടു. തിരുവനന്തപുരത്ത് സർക്കാർ ആശുപത്രിയിൽ സെക്യൂരി റ്റിയായ ഷാജിയുടെ അക്കൗണ്ടിലേക്കാണ് പണം പോയത്. നൈറ്റ് ഡ്യൂട്ടി കഴിഞ്ഞ് വീട്ടിൽ വന്ന് വിശ്രമിക്കുമ്പോഴാണ് അക്കൗണ്ടിലേക്ക് പണം എത്തിയ സനേശം ലഭിച്ചത്. ഇതെങ്ങനെ എന്ന് ചിന്തിച്ചിരിക്കുമ്പോഴാണ് രമേഷ് കുമാറിന്റെ കോൾ എത്തിയത്. തന്റെ അക്കൗണ്ടിൽ പണം വന്നിട്ടുണ്ടന്ന് ഷാജി പറഞ്ഞു. എന്നാൽ തിരിച്ചയക്കില്ലന്നും നേരിട്ടു വന്നാൽ തരാമെന്നും പറഞ്ഞു.
ഉടനെ രമേഷ് കുമാർ ഒരു ടാക്സി വിളിച്ച് ഷാജിയുടെ അടുത്തേക്ക് പോയി. അവിടെ ചെന്ന് യാഥാർത്ഥ്യം ബോധ്യപ്പെട്ടതോടെ ഷാജി പണം തിരികെ അയച്ചു കൊടുത്തു.
നഷ്ടപ്പെട്ട പണം വീണ്ടെടുക്കാൻ വെറും അര മണിക്കൂറേ വേണ്ടി വന്നുള്ളു. അതും പോലീസിന്റെയും സൈബർ വിഭാഗത്തിന്റെയും ഒന്നും സഹായമില്ലാതെ.
ചെറിയ തുക അയച്ചു കൊടുത്ത ശേഷം അബദ്ധം പറ്റിയെന്നു പറഞ്ഞ് തിരികെ അയപ്പിച്ച് അക്കൗണ്ടിലെ മുഴുവൻ തുകയും അടിച്ചു മാറ്റുന്ന
തട്ടിപ്പ് വിരുതൻമാരുണ്ട്. അതുകൊ കൊണ്ടാണ് പണം തിരിച്ചയക്കില്ല നേരിട്ടു വന്നാൽ തരാമെന്ന് ഷാജി പറഞ്ഞത്.
