തിരുവനന്തപുരം: വീട്ടിലേയ്ക്ക് സമരം വന്നാൽ നിന്നെ എടുക്കുമെന്ന് എസ്എഫ്ഐ തിരുവനന്തപുരം
ജില്ലാ സെക്രട്ടറി നന്ദനെ ഫോണിൽ വിളിച്ച് ഭീഷണിപ്പെടുത്തി കൻ്റോൺമെൻ്റ് എസ്ഐ ഗോകുൽ ഗോപൻ
ഒരു പേടിയുമില്ല ചെയ്യാൻ പറ്റുന്നതെല്ലാം ചെയ്യ് എന്നും എസ്ഐ ഭീഷണിപ്പെടുത്തുന്നുണ്ട്
എസ് ഐ ഗോകുൽ ഗോപൻ എസ്എഫ്ഐ ജില്ലാ സെക്രട്ടറിയെ ഭീഷണിപ്പെടുത്തുന്ന ഫോൺ സംഭാഷണത്തിൽ ഓഡിയോ പുറത്ത്.
ഹോം മിനിസ്റ്റർ സംസാരിച്ചത് കൊണ്ട് അറസ്റ്റ് നിർത്തിവെച്ചിരിക്കുകയാണ്.
മര്യാദയ്ക്ക് എങ്കിൽ മര്യാദയ്ക്ക് നിങ്ങൾ ഇപ്പോൾ ഒരു മാർച്ച് നടത്തി കഴിഞ്ഞാൽ ഞങ്ങൾ നേരെ പാർട്ടി ഓഫീസിൽ കയറും.
. നീ എവിടെയാണ് ഇരിക്കുന്നതെന്ന് ഞങ്ങൾക്ക് കൃത്യമായിട്ട് അറിയാം.
പേട്ടയിൽ ഞങ്ങൾ ആളെയും നിർത്തിയിട്ടുണ്ട് എന്നായിരുന്നു എസ് ഐ ഗോകുൽ
ഗോപൻ എസ്എഫ്ഐ തിരുവനന്തപുരം ജില്ലാ സെക്രട്ടറിയെ ഭീഷണിപ്പെടുത്തിയത്.
കേരള പൊലീസിൻ്റെ ഭാഗമല്ലെ നിങ്ങൾ ഇങ്ങനെയാണോ സംസാരിക്കുന്നത് എന്ന് ഗോകുൽ ഗോപനോട് എസ്എഫ്ഐ ജില്ലാ സെക്രട്ടറി പറയുന്നുണ്ട്.
ഭീഷണി സംഭാഷണം പുറത്ത് വന്നതിന് പിന്നാലെ എസ് ഐ ഗോകുൽ ഗോപനെ കമ്മീഷണർ വിളിപ്പിച്ച് വരുത്തി വിശദീകരണം തേടി.
എഡിജിപി സംഭവത്തിൽ റിപ്പോർട്ട് തേടിയിട്ടുണ്ട്.
ഗോകുൽ ഗോപനെതിരെ വകുപ്പുതല നടപടിയുണ്ടായേക്കുമെന്നാണ് സൂചന.
