കോഴിക്കോട് : സ്കൂളിൽ നിന്നും മടങ്ങുന്നതിനിടെ ഓട്ടോയിൽ നിന്ന് റോഡിലേക്ക് തെറിച്ചുവീണ വിദ്യാർത്ഥിക്ക് ദാരുണാന്ത്യം. രണ്ടാം ക്ലാസ് വിദ്യാർത്ഥി അമൽ ആണ് മരിച്ചത്. കോഴിക്കോടാണ് ദാരുണ സംഭവമുണ്ടായത്.
റോഡിലേക്ക് തെറിച്ചുവീണതിന് പിന്നാലെ കുട്ടിയുടെ ശരീരത്തിലൂടെ ലോറി കയറുകയായിരുന്നു. സ്കൂൾ വിട്ട് വീട്ടിലേക്ക് മടങ്ങുന്നതിനിടെയാണ് അപകടം. വിദ്യാർത്ഥിയുടെ തലയിലൂടെയാണ് ലോറി കയറിയത്.
കോഴിക്കോട് മുക്കം പുൽപറമ്പിൽവച്ചാണ് അപകടം നടന്നത്. മണാശ്ശേരി ഗവൺമെന്റ് സ്കൂൾ വിദ്യാർത്ഥിയാണ് മരിച്ച അമൽ. അപകടം നടന്നതിന് പിന്നാലെ സംഭവ സ്ഥലത്ത് വച്ച്തന്നെ വിദ്യാർത്ഥി മരിച്ചു.
