കോട്ടയം: ഡൽഹിയിൽ നടക്കുന്ന വിദ്യാർത്ഥി-യുവജന പ്രക്ഷോഭങ്ങൾക്ക് ഐക്യദാർഢ്യം പ്രഖ്യാപിച്ചുകൊണ്ട് കേരള യൂത്ത് ഫ്രണ്ട് (എം)-ന്റെ നേതൃത്വത്തിൽ കോട്ടയത്ത് പ്രതിഷേധ ജ്വാല ഉയരുന്നു.
'യുവാരവം' എന്ന പേരിൽ സർഗ്ഗാത്മക പ്രതിഷേധ കൂട്ടായ്മയും, വിപ്ലവവീര്യം തുളുമ്പുന്ന സംഗീത സായാഹ്നവും സംഘടിപ്പിക്കും.
നാളെ (ജൂലൈ 25, ശനിയാഴ്ച) വൈകിട്ട് 5.30-ന് കോട്ടയം ഗാന്ധി സ്ക്വയറിൽ നടക്കുന്ന പ്രതിഷേധ സംഗമം കേരള കോൺഗ്രസ് (എം) ചെയർമാൻ ജോസ് കെ. മാണി എം.പി ഉദ്ഘാടനം ചെയ്യും.
യുവതയുടെ ന്യായമായ അവകാശങ്ങൾക്കായി ഡൽഹിയിൽ നടക്കുന്ന സമരജ്വാലകൾക്ക് പൂർണ്ണ പിന്തുണ പ്രഖ്യാപിക്കുന്നതിനൊപ്പമാണ്പ രിപാടികളുടെ ഭാഗമായി ധ്രുവ ദ ബാൻഡിൻ്റെ സഹകരണത്തോടെ സംഗീതത്തെ തന്നെ സമര ആയുധമാക്കിക്കൊണ്ടുള്ള ഈ വേറിട്ട പ്രതിഷേധം.
സമരാഗ്നി സംസ്ഥാനമൊട്ടാകെ വ്യാപിപ്പിക്കുന്നതിന്റെ ഭാഗമായി ജൂലൈ 27-ന് കേരളത്തിലെ മുഴുവൻ
ജില്ലാ കേന്ദ്രങ്ങളിലും ശക്തമായ ഐക്യദാർഢ്യ പരിപാടികളും പ്രതിഷേധ പ്രകടനങ്ങളും സംഘടിപ്പിക്കുമെന്ന് യൂത്ത് ഫ്രണ്ട് (എം) സംസ്ഥാന പ്രസിഡൻറ് സിറിയക്ക് ചാഴികാടൻ അറിയിച്ചു.
