തിരുവനന്തപുരം : കനത്ത മഴ തുടരുന്ന സാഹചര്യത്തില് 8 ജില്ലകളിലെ വിദ്യാഭ്യാസ സ്ഥാപനങ്ങള്ക്ക് ഇന്ന് അവധി പ്രഖ്യാപിച്ചു. കാസര്ഗോഡ് ,കണ്ണൂര്, വയനാട്, കോഴിക്കോട്, തൃശൂര്, കോട്ടയം, പത്തനംതിട്ട, ആലപ്പുഴ ജില്ലകള്ക്കാണ് അവധി. കോഴിക്കോട് ജില്ലയില് പ്രൊഫഷണല് കോളജുകള് ഒഴികെയുള്ള വിദ്യാഭ്യാസ സ്ഥാപനങ്ങള്ക്കാണ് അവധി. അങ്കണവാടികള്, ട്യൂഷന് സെന്ററുകള് എന്നിവക്കും അവധി ബാധകമാണ്.
ആലപ്പുഴ, കണ്ണൂര്, കോട്ടയം, തൃശൂര്, കാസര്ഗോഡ്, പത്തനംതിട്ട ജില്ലകളിലെ എല്ലാ വിദ്യാഭ്യാസ സ്ഥാപനങ്ങള്ക്കും വയനാട് ജില്ലയിലെ മതപഠന-ട്യൂഷന്-സ്പെഷ്യല് ക്ലാസുകള്ക്കും കോഴിക്കോട് ജില്ലയിലെ പ്രൊഫഷണല് കോളജുകള് ഒഴികെയുള്ള വിദ്യാഭ്യാസ സ്ഥാപനങ്ങള്ക്കുമാണ് ഇന്ന് അവധി നല്കിയിരിക്കുന്നത്. നേരത്തെ നിശ്ചയിച്ച പരീക്ഷകള്ക്കും, ഓണ്ലൈന് ക്ലാസുകള്ക്കും മാറ്റമില്ല.
അതേസമയം ഇന്നും ശക്തമായ മഴയ്ക്ക് സാധ്യതയെന്നാണ് കാലാവസ്ഥ വകുപ്പിന്റെ മുന്നറിയിപ്പ്. ഇന്ന് ഏഴ് ജില്ലകളില് ഓറഞ്ച് അലേര്ട്ട് പ്രഖ്യാപിച്ചു. പത്തനംതിട്ട, ആലപ്പുഴ, കോട്ടയം,കോഴിക്കോട്, വയനാട് , കണ്ണൂര്, കാസര്ഗോഡ് ജില്ലകളിലാണ് ഓറഞ്ച് അലേര്ട്ട്. മറ്റ് ഏഴ് ജില്ലകളിലും യെല്ലോ അലേര്ട്ടാണ്.
