ചാലക്കുടി: ചാലക്കുടി പോട്ടയിൽ സ്കൂൾബസ് നിയന്ത്രണംവിട്ട് കനാലിലേക്ക് മറിഞ്ഞു. ആളൂർ സെന്റ് ജോസഫ് സ്കൂളിലെ കുട്ടികളുമായി പോയ ബസ്സാണ് അപകടത്തിൽപ്പെട്ടത്.
അപകടത്തിൽ പരിക്കേറ്റ പത്തോളം കുട്ടികളെ ചാലക്കുടിയിലെ സ്വകാര്യ ആശുപത്രിയിൽ പ്രവേശിപ്പിച്ചു. ആരുടെയും പരിക്ക് ഗുരുതരമല്ല.
അപകടസമയത്ത് വാഹനത്തിൽ നാൽപ്പതോളം കുട്ടികൾ ഉണ്ടായിരുന്നതായാണ് പ്രാഥമിക വിവരം.
ബസ് കനാലിലേക്ക് മറിഞ്ഞ ഉടനെ സമീപത്തുണ്ടായിരുന്ന നാട്ടുകാരും പരിസരവാസികളും ചേർന്ന് കുട്ടികളെ വാഹനത്തിൽനിന്ന് പുറത്തെടുത്തെടുത്തതിനാൽ വൻ ദുരന്തം ഒഴിവായി. കനാലിൽ വീണ ബസ് ഉയർത്താനുള്ള ശ്രമങ്ങൾ സ്ഥലത്ത് പുരോഗമിക്കുകയാണ്.
