പത്തനംതിട്ട: ശബരിമല മണ്ഡല മകരവിളക്ക് മഹോത്സവത്തിന്റെ ഭാഗമായി മല ചവിട്ടുന്ന ഭക്തന്മാർക്ക് ആവശ്യമായ വൈദ്യസഹായം ഒരു വിളിപ്പാടകലെ ലഭ്യമാണ്.
7 ആശുപത്രികളും 22 അടിയന്തിര വൈദ്യസഹായ കേന്ദ്രങ്ങളും സജ്ജീകരിച്ചിട്ടുണ്ട്. നല്കുവാൻ ആരോഗ്യവകുപ്പിന്റെ എല്ലാ വിധ സജീകരണങ്ങളോടും കൂടിയ വിപുലമായ വൈദ്യസംഘം ആണ് തീർത്ഥാടന പാതയില് ഉടനീളം ഉള്ളത്. സ്വാസ്ഥ്യം ശരണം എന്നതാണ് ഈ മണ്ഡലകാലത്തെ ആരോഗ്യ വകുപ്പിന്റെ ആപ്ത വാക്യം .
അയ്യപ്പ ഭക്തർക്കായി 7 ആശുപത്രികള് പ്രവർത്തന സജ്ജം
പമ്പ സർക്കാർ ആശുപത്രി
നീലിമല കാർഡിയോളജി സെന്റർ (ദേവസ്വം കെട്ടിടം)
അപ്പാച്ചിമേട് കാർഡിയോളജി സെന്റർ (ദേവസ്വം കെട്ടിടം)
സന്നിധാനം സർക്കാർ ആശുപത്രി
ചരല്മേട് ഡിസ്പെൻസറി (വനം വകുപ്പ് കെട്ടിടം)
നിലയ്ക്കല് സർക്കാർ ആശുപത്രി (ദേവസ്വം കെട്ടിടം)
കരിമല ഡിസ്പെൻസറി (വനം വകുപ്പ് കെട്ടിടം)
പ്രധാനപ്പെട്ട ഫോണ് നമ്പറുകള്
പമ്പ എമർജൻസി കണ്ട്രോള് റൂം - 04735 203232
പമ്പ ഗവഃ ആശുപത്രി - 04735 203318, 203319
നീലിമല കാർഡിയോളോജി സെന്റർ - 04735 203384
അപ്പാച്ചിമേട് കാർഡിയോളോജി സെന്റർ - 04735 202050
സന്നിധാനം ഗവഃ ആശുപത്രി - 04735 202101
ചരല്മേട് ഡിസ്പെൻസറി (വനം വകുപ്പ് കെട്ടിടം) - 04735 202005
നിലയ്ക്കല് ഗവഃ ആശുപത്രി (ദേവസ്വം കെട്ടിടം) - 04735 205202
മകരവിളക്ക് ദിവസം അധിക ആംബുലൻസുകളും ആരോഗ്യപ്രവർത്തകരുടെ സേവനവും ഉറപ്പാക്കും.
അടിയന്തര വൈദ്യസഹായ കേന്ദ്രങ്ങള് 22
ജില്ലാ ഭരണകൂടവും, ആരോഗ്യവകുപ്പും, ദേവസ്വംബോർഡും, വനം വകുപ്പും സംയുക്തമായി നടത്തുന്ന അടിയന്തര വൈദ്യസഹായ കേന്ദ്രങ്ങള് പമ്പ മുതല് സന്നിധാനം വരെ 17 എണ്ണവും എരുമേലി-കരിമല-പമ്പ കാനന പാതയില് അഞ്ചെണ്ണവും സ്ഥാപിച്ചിട്ടുണ്ട്. 04735-203232 എന്ന നമ്പർ അടിയന്തര വൈദ്യ സഹായത്തിനായി ഭക്തർക്കായി തുറന്ന കണ്ട്രോള് റൂം നമ്പർ ആണ്. പമ്പ മുതല് സന്നിധാനം വരെ എവിടെ അത്യാഹിതം ഉണ്ടായാലും ഈ നമ്പറില് വിളിക്കാവുന്നതാണ്.
തൊട്ടടുത്തുള്ള അടിയന്തര വൈദ്യസഹായകേന്ദ്രത്തില് വിവരമറിയിക്കുകയും ഉടനെ തന്നെ പരിശീലനം ലഭിച്ച ആരോഗ്യപ്രവർത്തകർ സംഭവസ്ഥലത്ത് എത്തി ആവശ്യമായ വൈദ്യസഹായം നല്കുമ്പോഴേക്കും ആംബുലൻസ് / സ്ട്രെച്ചർ സർവീസ് ഉപയോഗിച്ച് അടുത്തുള്ള ആശുപത്രിയിലേക്ക് എത്തിക്കുന്നതിനുള്ള ക്രമീകരണം കണ്ട്രോള് റൂമില് നിന്നു തന്നെ ചെയ്യും.
രോഗികളെ കൃത്യമായി ആശുപത്രികളിലേക്ക് എത്തിക്കുന്നതിനായി പ്രത്യേകം തയ്യാറാക്കിയ ഗൂർഖ ജീപ്പ് ആംബുലൻസ് ഉള്പ്പടെ എട്ട് ആംബുലൻസുകള് ആണ് വകുപ്പിന് ഉള്ളത്.
24 മണിക്കൂറും അത്യാഹിതവിഭാഗം / ഒപി സേവനങ്ങള്, കാർഡിയോളോജിസ്റ് ഉള്പ്പെടെയുള്ള സ്പെഷ്യലിസ്റ്റ് ഡോക്ടർമാർ, ലാബ്, എക്സ്- റേ, ഇസിജി, ഓപ്പറേഷൻ തിയേറ്റർ, ഐസിയു, വാർഡുകള്, സാധാരണ മരുന്നുകള് കൂടാതെ ഹൃദയാഘാതത്തിനുള്ള സ്ട്രെപ്റ്റോകൈനേസ്/ ടെനെക്ടിപ്ലേയ്സ് മരുന്ന്, പേവിഷബാധക്കെതിരെയുള്ള വാക്സിൻ ഇമ്മ്യൂണഗ്ലോബുലിൻ, ആന്റി സ്നേക്ക് വെനം മുതലായവ ആശുപത്രികളില് ലഭ്യമാണ്.
അടിയന്തര വൈദ്യസഹായകേന്ദ്രങ്ങളില് പരിശീലനം ലഭിച്ച ആരോഗ്യപ്രവർത്തകർ അടിയന്തര ചികിത്സ നല്കുന്നു. പള്സ്, ബിപി, എസ്പിഓ 2, ജിആർബിഎസ്, മുതലായ അടിയന്തര പരിശോധനകള്, ആവി-ഓക്സിജൻ ആവശ്യമുള്ള രോഗികള്ക്ക്, വേദനസംഹാര ലേപനങ്ങള്, സിപിആർ, എഇഡി മെഷീൻ എന്നിവ ഒരുക്കിയിട്ടുണ്ട്.






