കോട്ടയം: ശബരിമല മുന്നൊരുക്കങ്ങളുടെ ഭാഗമായി ബിജെപി സംഘം കോട്ടയം റെയിൽവേ സ്റ്റേഷനിൽ സന്ദർശം നടത്തി.
മണ്ഡലകാലത്തിന് മുന്നോടിയായി അടിസ്ഥാന സൗകര്യങ്ങളിൽ ഉണ്ടാകേണ്ട വികസനങ്ങളെക്കുറിച്ച് നേരിട്ട് കണ്ട് മനസിലാക്കി കേന്ദ്ര റെയിൽവേ മന്ത്രിക്ക് നേരിട്ട് റിപ്പോർട്ട് സമർപ്പിക്കും എന്ന് ബിജെപി ദേശീയ നിർവാഹക സമിതി അംഗം പി കെ കൃഷ്ണദാസ് പറഞ്ഞു.
കോട്ടയം റെയിൽവേ സ്റ്റേഷൻ ബിജെപി സംഘം നടത്തിയ സന്ദർശനത്തിന്റെ ഭാഗമായി സംസാരിക്കുകയായിരുന്നു അദ്ദേഹം.
റെയിൽ സ്റ്റേഷനിൽ ഭക്തകർ വിരി വെക്കുന്നതിനുള്ള സൗകര്യങ്ങൾ മെച്ചപ്പെടുത്തുന്നതിനും,ടിക്കറ്റ് കൌണ്ടർ, ശൗചാലയ സൗകര്യങ്ങൾ, വിശ്രമ മുറികൾ എന്നിവ വർധിപ്പിക്കുന്നതിനുംമണ്ഡലകാലത്ത് ഭക്തർക്ക് കൂടുതൽ മികച്ച യാത്രാ സൗകര്യങ്ങൾക്കായി സ്പെഷ്യൽ ട്രെയിനുകൾ എന്നിവയ്ക്കായി കേന്ദ്ര റെയിൽവേ മന്ത്രാലയവുമായി ആശയവിനിമയം നടത്തുമെന്നും അദ്ദേഹം അറിയിച്ചു.
ബിജെപി വെസ്റ്റ് ജില്ലാ അദ്ധ്യക്ഷൻ ലിജിൻ ലാൽ ,സംസ്ഥാന ഉപാദ്ധ്യക്ഷൻ ഷോൺ ജോർജ്,ജില്ലാ ജനറൽ സെക്രട്ടറി ലാൽ കൃഷ്ണ,ജില്ലാ ഉപാദ്ധ്യക്ഷൻ അരുൺ മൂലേടം,മീഡിയ കൺവീനർ ജിഷ്ണു പ്രസന്നകുമാർ,കോട്ടയം മണ്ഡലം അദ്ധ്യക്ഷൻ വി പി മുകേഷ്,ജനറൽ സെക്രട്രിമാരായ കെ ശങ്കരൻ, വിനു ആർ മോഹൻ, പി എസ് ബിജുകുമാർ, ഹരിക്കുട്ടൻ എന്നിവർ ഒപ്പം ഉണ്ടായിരുന്നു.
