പത്തനംതിട്ട: ശബരിമല തീർഥാടനത്തോടനുബന്ധിച്ച് തിരക്ക് നിയന്ത്രിക്കുന്നതിന്റെ ഭാഗമായി
കെഎസ്ആർടിസി ബസ് സർവീസുകൾക്ക് കർശന നിയന്ത്രണങ്ങളുമായി പൊലീസ്.
നവംബർ 16ന് ഉച്ചയ്ക്ക് 12 മണിക്ക് ശേഷം മാത്രമേ നിലയ്ക്കലിൽ നിന്ന് പമ്പയിലേക്ക് ബസ് സർവീസുകൾ നടത്താവൂ എന്നാണ് പ്രധാന നിർദേശം.
പമ്പയിലേക്കുള്ള ടിക്കറ്റുകൾ മുൻകൂട്ടി നൽകാൻ പാടില്ലെന്നും പൊലീസ് നിർദേശിച്ചിട്ടുണ്ട്.
തീർഥാടകരുടെ യാത്രാക്ലേശവും ആശയക്കുഴപ്പവും ഒഴിവാക്കാനാണ് നിയന്ത്രണങ്ങൾ ഏർപ്പെടുത്തിയിരിക്കുന്നത്.
ഇ
തുസംബന്ധിച്ച് പത്തനംതിട്ട ജില്ലാ പൊലീസ് മേധാവി കെഎസ്ആർടിസി സിഎംഡിക്ക് നിർദേശം നൽകി കത്തയച്ചു.
നവംബർ 16ന് ഉച്ചയ്ക്ക് 12 മണിക്ക് മുമ്പ് യാത്ര ആരംഭിക്കുന്നവർക്ക് നിലയ്ക്കൽ വരെ മാത്രമേ ടിക്കറ്റ് നൽകാവൂ.
ഉച്ചയ്ക്ക് 12ന് ശേഷമാണ് പമ്പയിലേക്കുള്ള സർവീസുകൾ അനുവദിച്ചിട്ടുള്ളത്.
