തിരുവനന്തപുരം: അനധികൃത സ്വത്ത് സമ്പാദനക്കേസില് ജയിലിലായ മുൻ ഡിജിപി ടോമിൻ ജെ. തച്ചങ്കരിയെ ഫെയ്സ്ബുക്ക് പോസ്റ്റിലൂടെ പരിഹസിച്ച് ബിജെപി കൗണ്സിലറും മുൻ ഡിജിപിയുമായ ആർ.ശ്രീലേഖ.
തിരുവനന്തപുരം സെൻട്രല് ജയിലിലെ ആശുപത്രി ബ്ലോക്ക് സാധാരണ സെല്ലുകളെ അപേക്ഷിച്ച് വളരെ വൃത്തിയുള്ളതാണെന്നും, നല്ല മെത്തയും ഫാനും വൃത്തിയുള്ള ശൗചാലയവുമൊക്കെ താൻ ജയില് ഡിജിപി ആയിരുന്നപ്പോള് മെച്ചപ്പെടുത്തിയെടുത്തതാണെന്നും ശ്രീലേഖ കുറിച്ചു. ഇപ്പോള് അത് ആർക്കെങ്കിലും നല്ലതുപോലെ പ്രയോജനപ്പെടുന്നുണ്ടെങ്കില് സന്തോഷമുണ്ടെന്ന് തച്ചങ്കരിയുടെ പേരെടുത്തു പറയാതെയായിരുന്നു അവരുടെ പരിഹാസം.
ശ്രീലേഖയുടെ പോസ്റ്റ്: 'തിരുവനന്തപുരം സെന്ട്രല് ജയിലിലെ 'ആശുപത്രി ബ്ലോക്ക്' സെല്ലുകളെ അപേക്ഷിച്ച് വളരെ വൃത്തിയുള്ളതാണ്. നല്ല കിടക്ക, മെത്ത, തലയിണ, ഫാൻ, വൃത്തിയുള്ള ശൗചാലയം, പിന്നെ പ്രത്യേകം ഒറ്റയ്ക്ക് കഴിയാനുള്ള സൗകര്യങ്ങള്, ചുറ്റും മനോഹരമായ പൂന്തോട്ടം, പ്രത്യേക ഭക്ഷണം… ഇതൊക്കെ ഞാൻ ജയില് വകുപ്പ് ഡിജിപി ആയിരുന്നപ്പോള് മെച്ചപ്പെയെടുത്തിയെടുത്തതാണ്. ഇപ്പോള് അത് ആർക്കെങ്കിലും നല്ലതുപോലെ പ്രയോജനപ്പെടുന്നുണ്ടെങ്കില് സന്തോഷം!'
