ഗാന്ധിനഗർ: രാജ്യത്തിന്റെ എൺപതാം സ്വാതന്ത്ര്യദിനാഘോഷത്തിന്റെ ഭാഗമായി റോട്ടറി ക്ലബ് ഓഫ് കോട്ടയം ഗാന്ധിനഗറിന്റെ നേതൃത്വത്തിൽ കോട്ടയം മെഡിക്കൽ കോളേജ് ഗൈനക്കോളജി വാർഡിൽ സ്വാതന്ത്ര്യദിനത്തിൽ ജനിച്ച കുഞ്ഞുങ്ങൾക്ക് ‘സ്നേഹസ്പർശം’ പദ്ധതിയിലൂടെ സമ്മാനങ്ങൾ വിതരണം ചെയ്തു.
ക്ലബ്ബ് സമാഹരിച്ച ന്യൂബോൺ ബേബി കിറ്റുകൾ റോട്ടറി ക്ലബ് പ്രസിഡന്റ് മനോജ് തോമസ് മെഡിക്കൽ കോളേജ് ഡെപ്യൂട്ടി സൂപ്രണ്ട് ഡോ. സഹറുദീൻ, ഡോ. സൂര്യ, സീനിയർ നഴ്സിങ് ഓഫീസർ ഷൈബിമോൾ കുര്യൻ എന്നിവർക്ക് കൈമാറി തുടർന്ന് വാർഡിലെത്തി നവജാത ശിശുക്കളുടെ അമ്മമാർക്ക് സമ്മാനിച്ചു.
റോട്ടറി ക്ലബ് സെക്രട്ടറി സാജൻ പി. ഗോപാലൻ, ട്രഷറർ വെൽഫ്രഡ്, മുൻ പ്രസിഡന്റ് ജോർജ് തോമസ്, അഭിലാഷ് കുര്യൻ, അശോക് ജോസഫ് തുടങ്ങിയവർ ചടങ്ങിൽ പങ്കെടുത്തു.
