കൊച്ചി: 'റോ റോ' യിലും സ്ത്രീകള്ക്ക് സൗജന്യയാത്ര പ്രഖ്യാപിച്ച് മുഖ്യമന്ത്രി വി ഡി സതീശൻ.
വൈപ്പിന് ഫോര്ട്ട് കൊച്ചി റൂട്ടിലെ മൂന്നാമത്തെ റോ റോ ഉദ്ഘാടനം ചെയ്യുന്നതിനിടയായിരുന്നു മുഖ്യമന്ത്രിയുടെ സുപ്രധാനം പ്രഖ്യാപനം. കെഎസ്ആർടിസി പ്രിയദർശിനി സൗജന്യ യാത്ര പോലെ റോ റോയിലും ഇനി സ്ത്രീകള്ക്ക് സൗജന്യമായി യാത്ര ചെയ്യാമെന്ന് മുഖ്യമന്ത്രി അറിയിച്ചു.
കെഎസ്ആര്ടിസിയിലും റോറോയിലും സൗജന്യ യാത്രയിലൂടെ ലഭിക്കുന്ന പണം സ്ത്രീകള് മാറ്റിവയ്ക്കണമെന്ന് മുഖ്യമന്ത്രി പറഞ്ഞു. ഇതിനായി കെഎസ്എഫ്ഇയില് പിങ്ക് ചിട്ടി ആരംഭിക്കും. സ്ത്രീകള്ക്ക് സാമ്പത്തിക ഭദ്രത ഉറപ്പാക്കാൻ ഈ കൊച്ചു സമ്പാദ്യ ശീലം വഴി സാധിക്കുമെന്നും അദ്ദേഹം കൂട്ടിച്ചേർത്തു.
കൊച്ചി നഗരത്തില് കൂടുതല് വികസന പദ്ധതികള് കൊണ്ടുവരികയാണ് സംസ്ഥാന സർക്കാരിന്റെ ലക്ഷ്യമെന്ന് മുഖ്യമന്ത്രി വ്യക്തമാക്കി. പശ്ചിമ കൊച്ചിയിലേക്ക് കൂടുതല് ടൂറിസ്റ്റുകളെത്തുമെന്നും ആദ്യമായി ഓഷ്യനേറിയം കൊച്ചിയില് വരികയാണ്.
കൊച്ചിയില് ഫിലിംസിറ്റി വരികയാണ്. വലിയ ടൂറിസം കേന്ദ്രമായി മാറും. റോറോ അതിന്റെ തുടക്കമാണ്. കൊച്ചിക്കുള്ള സർക്കാരിന്റെ ആദ്യ സമ്മാനമായി കുടിവെള്ളി പദ്ധതി അടിയന്തരമായി നടപ്പിലാക്കുമെന്നും മുഖ്യമന്ത്രി അറിയിച്ചു.
