വൈക്കം : കോട്ടയം ,ആലപ്പുഴ, എറണാകുളം ജില്ലകളില്‍പ്പെട്ട തീരദേശ മേഖലകളെ കോര്‍ത്തിണക്കുന്ന വേമ്പനാട്ടുകായലിന്റെ തീരത്തുകൂടിയുള്ള തീരദേശ റോഡ്‌ പദ്ധതി നടപ്പാക്കാന്‍ സര്‍ക്കാര്‍ നടപടി സ്വീകരിക്കണമെന്ന്‌ മത്സ്യത്തൊഴിലാളി കോണ്‍ഗ്രസ്‌ ജില്ലാ സമ്മേളനം ആവിശ്യപ്പെട്ടു.
രണ്ട്‌ പതിറ്റാണ്ടിന്‌ മുന്‍പ്‌ ലക്ഷ്യം ഇട്ട ഈ പദ്ധതി ഇന്നും വെളിച്ചം കാണാതെ കിടക്കുകയാണ്‌. വേമ്പനാട്ടു കായലിന്റെ തീരപ്രദേശങ്ങളില്‍ കഴിയുന്ന ആയിരക്കണക്കിന്‌ മത്സ്യത്തൊഴിലാളി കുടുബങ്ങള്‍ക്ക്‌ പുറം ലോകവുമായി ബന്ധപ്പെടാന്‍ വഴിയൊരുക്കുന്ന പദ്ധതിയാണിതെന്ന്‌ സമ്മേളനം ചൂണ്ടിക്കാട്ടി.
കായലില്‍ അടിഞ്ഞുകൂടുന്ന എക്കലും മണ്ണും റോഡ്‌ നിര്‍മ്മാണത്തിന്‌ ഉപയോഗിക്കാം. അതുവഴി കായലിന്റെ ആഴം കൂട്ടാനും മത്സ്യസമ്പത്ത്‌ വര്‍ധിപ്പിക്കുവാനും വഴിയൊരുക്കുമെന്നും സമ്മേളനം വ്യകതമാക്കി. സമ്മേളനം സംസ്‌ഥാന പ്രസിഡന്റ്‌ ജി. ലീല കൃഷ്‌ണന്‍ ഉദ്‌ഘാടനം ചെയ്‌തു. ജില്ലാ പ്രസിഡന്റ്‌ ടി. കെ വാസുദേവന്‍ അധ്യക്ഷത വഹിച്ചു.
സമ്മേളന വേദിയില്‍ കെ. ബിനിമോന്‍ എം. എല്‍. എ, ലളിതകലാ അക്കാദമി സെക്രട്ടറി എം.കെ ഷിബു എന്നിവരെ ആദരിച്ചു. പത്രം പത്രം 'കെ. പി. സി. സി മെമ്പര്‍ മോഹന്‍ ഡി ബാബു, പി. എന്‍ ബാബു, ജയ്‌ജോണ്‍ പേരയില്‍, പി. വി പ്രസാദ്‌, എം. എല്‍ സുരേഷ്‌, പി. ഡി ഉണ്ണി, ഷാജി വല്ലൂത്തറ, കെ. കെ സജിയോത്തമന്‍, കെ. വി പ്രകാശന്‍, പി. ഡി പ്രസാദ്‌, ടി. വി ബാഹുലേയന്‍, പ്രീത രാജേഷ്‌, ടി. വി സുരേന്ത്രന്‍, ശിവദാസ്‌ നാരായണന്‍, എം. അശോകന്‍, കെ. ബി. രാജേന്ദ്രന്‍ എന്നിവര്‍ പ്രസംഗിച്ചു.
