കോട്ടയം: അന്താരാഷ്ട്ര വേദിയിൽ കേരളത്തിന്റെ അഭിമാനമായി ശ്രദ്ധേയ നേട്ടം കൈവരിച്ച റിസ്മിയയ്ക്ക് ഹഗ് ഇന്റർനാഷണൽ (HUG International) ആദരമൊരുക്കുന്നു.
വേൾഡ് ജൂനിയർ ടൂറിസം അംബാസഡർ മത്സരത്തിൽ ഫസ്റ്റ് റണ്ണർ അപ്പ് ആയി തിരഞ്ഞെടുക്കപ്പെട്ട റിസ്മിയയെ കേരള നിയമസഭാ സ്പീക്കർ തിരുവഞ്ചൂർ രാധാകൃഷ്ണൻ ഹഗ് ഓണം സെലിബ്രേഷൻ 2026-ൽ ആദരിക്കും.
സ്വന്തം കഴിവിനെയും താൽപര്യങ്ങളെയും പിന്തുടർന്ന് അന്താരാഷ്ട്ര വേദിയിൽ മികച്ച നേട്ടം കൈവരിച്ച റിസ്മിയയുടെ വിജയം കുട്ടികൾക്കും യുവതലമുറയ്ക്കും വലിയ പ്രചോദനമാണ്. മകളുടെ കഴിവുകൾ തിരിച്ചറിഞ്ഞ് അവളുടെ പാഷനെ പ്രോത്സാഹിപ്പിക്കുകയും അത് ഒരു പ്രൊഫഷണൽ സാധ്യതയായി വളർത്താൻ പിന്തുണ നൽകുകയും ചെയ്ത റിസ്മിയയുടെ അമ്മ സൈനബാ ബീവിയെയും ചടങ്ങിൽ പ്രത്യേകമായി ആദരിക്കും.
ആഗസ്റ്റ് 27ന് രാവിലെ 11.30ന് തെള്ളകം ചൈതന്യ പാസ്റ്ററൽ സെന്ററിൽ നടക്കുന്ന ഹഗ് ഓണം സെലിബ്രേഷൻ 2026-ന്റെ ഭാഗമായി റിസ്മിയയ്ക്കുള്ള ആദരിക്കൽ ചടങ്ങിനൊപ്പം ഹഗ് ക്രീയേറ്റീവ് ക്രാഫ്റ്റ് എക്സിബിഷനും സംഘടിപ്പിക്കും.
4 മുതൽ 14 വയസ്സ് വരെയുള്ള കുട്ടികൾ സ്വന്തമായി നിർമ്മിച്ച വിവിധ ക്രാഫ്റ്റ് ഉൽപ്പന്നങ്ങൾ പ്രദർശിപ്പിക്കുകയും വിൽപ്പന നടത്തുകയും ചെയ്യും. കുട്ടികളെ സ്ക്രീൻ അഡിക്ഷനിൽ നിന്ന് സർഗാത്മകതയിലേക്ക് നയിക്കുക എന്ന ലക്ഷ്യത്തോടെ ഹഗ് ഇന്റർനാഷണൽ നടത്തുന്ന ക്രിയേറ്റീവ് ക്രാഫ്റ്റ് പ്രവർത്തനങ്ങളുടെ ഭാഗമായാണ് പ്രദർശനം സംഘടിപ്പിക്കുന്നത്.
സ്വന്തം കഴിവുകൾ ഉപയോഗിച്ച് ഉൽപ്പന്നങ്ങൾ നിർമ്മിക്കുകയും അവ പ്രദർശിപ്പിക്കുകയും വിൽപ്പന നടത്തുകയും ചെയ്യുന്നതിലൂടെ കുട്ടികളിൽ സർഗാത്മകത, ആത്മവിശ്വാസം, സ്വയംപര്യാപ്തത, സംരംഭകത്വ ചിന്ത എന്നിവ വളർത്തുകയാണ് പരിപാടിയുടെ ലക്ഷ്യം.
റിസ്മിയയുടെ അന്താരാഷ്ട്ര നേട്ടത്തിന് അംഗീകാരം നൽകുന്നതോടൊപ്പം, കുട്ടികളുടെ കഴിവുകളെയും മാതാപിതാക്കളുടെ പിന്തുണയെയും പ്രോത്സാഹിപ്പിക്കുന്ന ഈ പരിപാടി hug Onam Celebration 2026-ന്റെ പ്രധാന ആകർഷണങ്ങളിലൊന്നായിരിക്കും. കൂടുതൽ വിവരങ്ങൾക്ക് ബന്ധപ്പെടുക: ജസ്റ്റിൻ ജോസഫ് +91 9620694838
