പാലക്കാട്: എംഎൽഎ ആയി നൂറ് ദിവസം പൂർത്തിയാക്കിയ രമേശ് പിഷാരടി നേട്ടങ്ങൾ തന്റെ സോഷ്യൽ മീഡിയയിലൂടെ പങ്കുവെച്ചു.
മണ്ഡലത്തിൽ നടപ്പിലാക്കിയ പ്രധാന വികസന- ജനക്ഷേമ പ്രവർത്തനങ്ങളെക്കുറിച്ചും രമേഷ് പിഷാരടി സോഷ്യൽ മീഡിയയിൽ പങ്കുവെച്ച കുറിപ്പിൽ പറയുന്നുണ്ട്
മുൻ എംഎൽഎമാർ തുടങ്ങി വച്ച 70 ഓളം പദ്ധതികൾ പൂർത്തീകരിച്ച് ഉദ്ഘാടനം നടത്തിയതായും താരം പറയുന്നു.
പാലക്കാട് നിയോജക മണ്ഡലത്തിന്റെ ജനപ്രതിനിധി ആയി സത്യപ്രതിജ്ഞ ചെയ്തിട്ട് ഇന്നേക്ക് 100 ദിവസം പൂർത്തിയാകുന്നു.
ആദ്യ പത്ര സമ്മേളനത്തിൽ പറഞ്ഞത് പോലെ മുൻ എം.എൽ.എ മാർ തുടങ്ങി വച്ച 70 ഓളം പദ്ധതികൾ പൂർത്തീകരിച്ച് ഉദ്ഘാടനം നടത്തി.
മിനി മാസ്റ് ലൈറ്റുകൾ,റോഡുകൾ,ഡ്രൈനേജുകൾ,ഉൾപ്പടെ). കെ.എസ്.ആർ.ടി.സി ടൗൺ സർവീസ് ആരംഭിച്ചു.
നിയോജകമണ്ഡലത്തിൽപ്പെട്ട വൃക്ക രോഗികൾക്ക് അവൈറ്റിസ് ഹോസ്പിറ്റലുമായി സഹകരിച്ച് 50 പേർക്ക് സൗജന്യമായി വൃക്ക മാറ്റിവയ്ക്കുന്നതിനുള്ള പദ്ധതിയായ ''റിവൈവ്'' ആരംഭിച്ചു.
ബജറ്റിൽ പാലക്കാട് നിയോജകമണ്ഡലത്തിന് മുൻ വർഷങ്ങളെ അപേക്ഷിച്ച് കൂടുതൽ പദ്ധതികളും തുകയും അനുവദിപ്പിച്ചു.
മണ്ഡലത്തിൽ സാങ്കേതിക കാരണങ്ങളാൽ മുടങ്ങി കിടക്കുന്ന പദ്ധതികൾ കുരുക്കഴിച്ചു മുന്നിലേക്ക് കൊണ്ട് പോകുവാനുള്ള ശ്രമം തുടരും.
പ്രഖ്യാപിച്ച പുതിയ പദ്ധതികൾ നടപ്പാക്കും.
ജനോപകരപ്രദമായ പുതിയ കാര്യങ്ങൾ വ്യക്തിപരമായി ഏകോപിക്കുകയും കൊണ്ടുവരികയും ചെയുന്ന പദ്ധതികൾ ഉടൻ പ്രഖ്യാപിക്കുംനമ്മൾ ഒന്നിച്ച് മുന്നിലേക്ക്... '', എന്നാണ് രമേഷ് പിഷാരടി ഇൻസ്റ്റഗ്രാമിൽ കുറിച്ചത്.
