പത്തനംതിട്ട: പത്തനംതിട്ട ജില്ലാ പഞ്ചായത്ത് അംഗം ശ്രീന ദേവി കുഞ്ഞമ്മയുടെ പരാതിയില് യൂട്യൂബർ രാജൻ ജോസഫ് കസ്റ്റഡിയില്.
സാമൂഹ്യമാധ്യമങ്ങളിലൂടെ അപകീർത്തികരമായ രീതിയില് വിഡിയോ പ്രചരിപ്പിച്ച കേസിലാണ് അറസ്റ്റ്. കഴിഞ്ഞ വർഷം മുതല് ശ്രീനാദേവി കുഞ്ഞമ്മയെ അപമാനിക്കുന്ന തരത്തില് രാജൻ ജോസഫ് നിരന്തരം വിഡിയോകള് ചെയ്തിരുന്നു. ഏകദേശം 25ഓളം വിഡിയോകള് ഇത്തരത്തില് പ്രചരിപ്പിച്ചിട്ടുണ്ടെന്നാണ് പരാതി.
രാജൻ ജോസഫ് സ്വന്തം സോഷ്യല് മീഡിയ അക്കൗണ്ടുകള് വഴിയും മറ്റ് യൂട്യൂബർമാരുമായി ചേർന്നും ഇത്തരത്തില് അപകീർത്തികരമായ വീഡിയോകള് പ്രചരിപ്പിച്ചതായി പരാതിയില് പറയുന്നുണ്ട്. അടൂർ പൊലീസാണ് രാജൻ ജോസഫിനെ അറസ്റ്റ് ചെയ്തത്.
