തിരുവനന്തപുരം: സംസ്ഥാനത്ത് മഴ മുന്നറിയിപ്പില്‍ മാറ്റ വരുത്തി കേന്ദ്ര കാലാവസ്ഥാ വകുപ്പ്. ഇന്ന് തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം എന്നീ ഏഴ് ജില്ലകളില്‍ യെല്ലോ അലർട്ട് പ്രഖ്യാപിച്ചു. നാളെ കോട്ടയം, ഇടുക്കി ജില്ലകളിലും യെല്ലോ അലർട്ട് നിലവിലുണ്ട്.ഇന്നും നാളെയും മണിക്കൂറില്‍ 30 മുതല്‍ 40 കിലോമീറ്റർ വരെ വേഗതയില്‍ വീശിയടിച്ചേക്കാവുന്ന കാറ്റിനും ഇടിമിന്നലോടു കൂടിയ മഴയ്ക്കും സാധ്യതയുണ്ട്. നവംബർ 9 മുതല്‍ 11 വരെയും ഒറ്റപ്പെട്ടയിടങ്ങളില്‍ ഇടിമിന്നലോടു കൂടിയ മഴ തുടർന്നേക്കുമെന്നും കാലാവസ്ഥാ വകുപ്പ് അറിയിച്ചു. ഇടിമിന്നല്‍ സാധ്യതയുള്ളതിനാല്‍ പൊതുജനങ്ങള്‍ കടുത്ത മുൻകരുതലുകള്‍ സ്വീകരിക്കണമെന്ന് അധികൃതർ നിർദേശിച്ചു.പ്രധാന ജാഗ്രതാ നിർദേശങ്ങള്‍:ഇടിമിന്നല്‍ ലക്ഷണങ്ങള്‍ കണ്ടാല്‍ ഉടൻ സുരക്ഷിതമായ കെട്ടിടത്തിനുള്ളിലേക്ക് മാറണം.
ടെറസ്, മരച്ചുവട്, തുറസായ സ്ഥലങ്ങള്‍ എന്നിവിടങ്ങളില്‍ നില്‍ക്കരുത്.ജനലുകളും വാതിലുകളും അടച്ചിടുക. വൈദ്യുതോപകരണങ്ങളുടെ പ്ലഗുകള്‍ ഊരിയിടണം.ലാൻഡ്‌ഫോണ്‍ ഉപയോഗിക്കരുത്. കുളിക്കുന്നതും പൈപ്പ് വെള്ളം ശേഖരിക്കുന്നതും ഒഴിവാക്കുക.ഇടിമിന്നലുള്ളപ്പോള്‍ ബൈക്ക്, സൈക്കിള്‍, ട്രാക്ടർ യാത്രകള്‍ ഒഴിവാക്കണം.മിന്നലേറ്റ വ്യക്തിയുടെ ശരീരത്തില്‍ വൈദ്യുതി പ്രവാഹം ഉണ്ടാകില്ലെന്നതിനാല്‍ ഉടൻ പ്രഥമശുശ്രൂഷ നല്‍കി വൈദ്യസഹായം ലഭ്യമാക്കണം.
