തിരുവനന്തപുരം: തിരുവനന്തപുരം പാറശ്ശാലയില്‍ റെയില്‍വേ ട്രാക്കില്‍ മണ്ണിടിഞ്ഞുവീണ് ട്രെയിൻ എഞ്ചിൻ പാളം തെറ്റി.
ബിലാസ്പൂർ-തിരുനെല്‍വേലി എക്സ്പ്രസ് ട്രെയിനാണ് അപകടത്തില്‍പ്പെട്ടത്. കനത്ത മഴയില്‍ ട്രാക്കിലേക്ക് മണ്ണിടിഞ്ഞ് വീണിരുന്നു.
പുലർച്ചെ രണ്ട് മണിയോടെയായിരുന്നു അപകടം. എഞ്ചിന്റെ നാല് വീലുകള്‍ പാളം തെറ്റി. അപകടത്തില്‍ ആർക്കും പരിക്കില്ല.
മണ്ണ് നീക്കാനുള്ള ശ്രമം തുടരുകയാണ്. തിരുവനന്തപുരം-നാഗർകോവില്‍ റൂട്ടില്‍ ട്രെയിൻ ഗതാഗതം തടസ്സപ്പെട്ടു.
പരശുറാം എക്സ്പ്രസ്സ്‌ ഉള്‍പ്പെടെ വൈകും. മൂന്ന് ട്രെയിനുകള്‍ പിടിച്ചിട്ടിരിക്കുകയാണ്.
താംബരം-തിരുവനന്തപുരം സെൻട്രല്‍ സ്പെഷ്യല്‍ ട്രെയിൻ (06163), മധുര-പുനലൂർ എക്സ്പ്രസ് (16729), താംബരം-തിരുവനന്തപുരം സെൻട്രല്‍ അമൃത് ഭാരത് എക്സ്പ്രസ് (16121) എന്നീ ട്രെയിനുകളാണ് പിടിച്ചിട്ടിരിക്കുന്നത്. നിലവധി ട്രെയിനുകള്‍ വൈകുമെന്നും റെയില്‍വേ അധികൃതർ അറിയിച്ചു.
പുറപ്പെടാൻ വൈകുന്ന ട്രെയിനുകള്‍
1. ട്രെയിൻ നമ്പർ (16650) കന്യാകുമാരി - മംഗളൂരു സെൻട്രല്‍ പരശുറാം എക്സ്പ്രസ്
2. ട്രെയിൻ നമ്പർ (56102) നാഗർകോവില്‍ ജംഗ്ഷൻ - പുനലൂർ പാസഞ്ചർ
3. ട്രെയിൻ നമ്പർ (56306) തിരുവനന്തപുരം നോർത്ത് - നാഗർകോവില്‍ ജംഗ്ഷൻ പാസഞ്ചർ
4. ട്രെയിൻ നമ്പർ (56705) പുനലൂർ - കന്യാകുമാരി പാസഞ്ചർ
5. ട്രെയിൻ നമ്പർ (16122) തിരുവനന്തപുരം സെൻട്രല്‍ - താമ്പരം എക്സ്പ്രസ്
വൈകിയേക്കാവുന്ന ദീർഘദൂര ട്രെയിനുകള്‍
1. ട്രെയിൻ നമ്പർ (16128) ഗുരുവായൂർ - ചെന്നൈ എഗ്മോർ എക്സ്പ്രസ്
2. ട്രെയിൻ നമ്പർ (16381) പൂനെ - കന്യാകുമാരി എക്സ്പ്രസ്
