ഡൽഹി: പ്രിയങ്ക ഗാന്ധിയുടെ മകൻ റൈഹാൻ വാദ്രയുടെ ബിക്കാനീർ ഹൗസിലെ ചിത്രപ്രദർശനം കാണാൻ രാഹുല്‍ ഗാന്ധി എത്തി.
രാഷ്ട്രീയ ഉളളടക്കം ചൂണ്ടിക്കാട്ടി പ്രദർശനത്തിനെത്തിച്ച ചിത്രങ്ങളില്‍ പകുതിയിലേറെയും നീക്കം ചെയ്തതത് വിവാദമായിരുന്നു.
സമീപകാല പ്രക്ഷോഭങ്ങളും സമരങ്ങളും പ്രമേയമാക്കിയുളള 74 ചിത്രങ്ങളാണ് ബിക്കാനീർ ഹൗസ് മാനേജ്‌മെന്റ് മാറ്റാനാവശ്യപ്പെട്ടത്.
ആവിഷ്കാര സ്വാതന്ത്ര്യത്തിന്മേലുള്ള കടന്നുകയറ്റമാണിതെന്നായിരുന്നു കോണ്‍ഗ്രസ് ആരോപണം. എന്നാല്‍ വിവാദമുണ്ടാക്കി റൈഹാന് രാഷ്ട്രീയ പ്രവേശനം നല്‍കാനുളള പ്രിയങ്കയുടെ നീക്കമാണിതെന്നായിരുന്നു ബി ജെ പി മറുപടി.
വിദേശത്തിരുന്ന് മറ്റ് പല വിഷയങ്ങളിലും പ്രതികരിച്ച്‌ രാഹുല്‍, എന്തുകൊണ്ടാണ് റൈഹാൻ വാദ്രയുടെ ചിത്രപ്രദർശന വിവാദത്തില്‍ പ്രതികരിക്കാത്തതെന്ന ചോദ്യവും ബി ജെ പി ഉയർത്തിയിരുന്നു.
കോണ്‍ഗ്രസിനുള്ളില്‍ പ്രിയങ്ക - രാഹുല്‍ പോരാട്ടമാണ് നടക്കുന്നതെന്നും ബി ജെ പി വക്താവ് പ്രദീപ് ഭണ്ഡാരി ആരോപിച്ചിരുന്നു.
അതേസമയം 'നോ ഐഡിയ ഈസ് ഫൈനല്‍' ചിത്രപ്രദർശനം പൂർണമായി പ്രദർശിപ്പിക്കാൻ റൈഹാനെ, മുഖ്യമന്ത്രി വി ഡി സതീശൻ കേരളത്തിലേക്ക് ക്ഷണിച്ചിരുന്നു.
