ഡൽഹി: പുലിക്കളി സംഘങ്ങള്ക്കുള്ള കേന്ദ്ര ധനസഹായം അനുവദിച്ച് ഉത്തരവായി.
കഴിഞ്ഞ ഓണക്കാലത്താണ് പുലിക്കളി സംഘങ്ങള്ക്ക് മൂന്ന് ലക്ഷം രൂപ വീതം കേന്ദ്ര മന്ത്രി സുരേഷ് ഗോപി പ്രഖ്യാപിച്ചത്.
കേന്ദ്ര ടൂറിസം വകുപ്പിന്റെ പദ്ധതിയില് ഉള്പ്പെടുത്തിയായിരുന്നു പ്രഖ്യാപനം. ഇത് വൈകിയതിനെതിരെ വ്യാപകമായി പുലിക്കളി സംഘങ്ങള് പ്രതിഷേധിച്ചിരുന്നു.
മാർഗ്ഗനിർദേശങ്ങളും നടപടിക്രമങ്ങളും കൃത്യമായി പാലിക്കാത്തത് കൊണ്ടാണ് ഫണ്ട് വൈകിയതെന്നും, പ്രത്യേക കേസ് ആയി പരിഗണിച്ച് കേന്ദ്രസർക്കാരിന്റെ അനുമതി ലഭ്യമാക്കുകയായിരുന്നു എന്നും സുരേഷ് ഗോപി ഫേസ്ബുക്കില് അറിയിച്ചു.
