തിരുവനന്തപുരം: പൂജാ അവധിക്കാലത്തെ തിരക്ക് കണക്കിലെടുത്ത് ഇന്ന് (ഒക്ടോബർ 17) ചെന്നൈ എഗ്മോറില്‍ നിന്ന് മംഗളൂരുവിലേക്ക് സ്പെഷ്യല്‍ എക്സ്പ്രസ് ട്രെയിൻ(06036) സർവീസ് നടത്തും.
ഇന്ന് രാത്രി 11.55-ന് ചെന്നൈ എഗ്മോറില്‍ നിന്ന് പുറപ്പെടുന്ന ട്രെയിൻ ഞായറാഴ്ച വൈകിട്ട് 7.45ന് മംഗളൂരു സെൻട്രലില്‍ എത്തിച്ചേരും.
പേരമ്പൂർ, തിരുവള്ളൂർ, ആരക്കോണം ജങ്ഷൻ, കാട്പാഡി ജങ്ഷൻ, ജോലാർപേട്ട ജങ്ഷൻ, സേലം ജങ്ഷൻ, ഈറോഡ് ജങ്ഷൻ, തിരുപ്പൂർ, പോത്തന്നൂർ ജങ്ഷൻ, പാലക്കാട് ജങ്ഷൻ, ഷൊർണൂർ, തിരൂർ, കോഴിക്കോട്, വടകര, തലശ്ശേരി, കണ്ണൂർ, പയ്യന്നൂർ, നീലേശ്വരം, കാഞ്ഞങ്ങാട്, കാസർകോട് എന്നിവിടങ്ങളില്‍ സ്റ്റോപ്പുകളുണ്ടാം.
ഒരു ഫസ്റ്റ്ക്ലാസ് എസി, രണ്ട് എസി ടൂ ടയർ, മൂന്ന് എസി ത്രീടയർ, ഒൻപത് സ്ലീപ്പർക്ലാസ്, നാല് സെക്കൻഡ് ക്ലാസ് ജനറല്‍, ഒരു സെക്കൻഡ് ക്ലാസ് ലഗേജ് കം ബ്രേക്ക് വാൻ കോച്ചുകളുമായാകും വണ്‍വേ സ്പെഷ്യല്‍ ട്രെയിൻ സർവീസ് നടത്തുക.
