തിരുവനന്തപുരം: കേരളാ പി എസ് സി നടത്തിയ പരീക്ഷയുമായി ബന്ധപ്പെട്ട് വീണ്ടും പരാതി.
ഡിവൈഎസ്പി സ്പെഷ്യല്‍ റിക്രൂട്ട്മെൻ്റ് നിയമനത്തില്‍ ക്രമക്കേട് നടന്നുവെന്നും അന്വേഷണം വേണമെന്നുമാണ് പരാതി.
എസ്‌എഫ്‌ഐ നേതാവ് ഒന്നാം റാങ്ക് നേടിയ പരീക്ഷയിലാണ് പരാതി ഉയർന്നത്. ഡിവൈഎസ്പി പരീക്ഷ അസാധാരണ വേഗത്തിലാണ് പിഎസ്സി പൂർത്തിയാക്കിയത്.
കഴിഞ്ഞ ഡിസംബറില്‍ എഴുത്തു പരീക്ഷ നടത്തി മെയ് ആദ്യവാരം റാങ്ക് പട്ടിക പ്രസിദ്ധീകരിച്ചു.
ജൂണിൽ നിയമന ഉത്തരവും നല്‍കി. നിരവധി ക്രിമിനല്‍ കേസുകള്‍ ഉണ്ടായിരുന്ന ഉദ്യോഗാർത്ഥിക്കാണ് നിയമനം നല്‍കിയതെന്നും പരാതിക്കാരനായ സേവ് യൂണിവേഴ്സിറ്റി ഫോറം ചെയർമാൻ ആർഎസ് ശശി കുമാർ ചൂണ്ടിക്കാട്ടി.
സേവ് യൂണിവേഴ്സിറ്റി ഫോറം ചെയർമാൻ ആർഎസ് ശശികുമാറാണ് മുഖ്യമന്ത്രിക്കും ആഭ്യന്തര മന്ത്രിക്കും അന്വേഷണം ആവശ്യപ്പെട്ട് പരാതി നല്‍കിയത്.
എന്നാല്‍ താൻ മറ്റു പല പിഎസ്സി പരീക്ഷകളുടേയും റാങ്ക് പട്ടികയില്‍ ഉണ്ടെന്നും അസ്വാഭാവികത ആരോപിക്കുന്നത് തന്റെ നിയമനം തടയാൻ വേണ്ടിയാണെന്നും ഉദ്യോഗാർത്ഥി വിശദീകരിക്കുന്നു.
