തിരുവനന്തപുരം: പിഎസ്‌സി അംഗങ്ങളുടെ നിയമന ചട്ടഭേദഗതിക്ക് സർക്കാർ.
അംഗങ്ങൾക്ക് യോഗ്യത നിശ്ചയിക്കുന്നത് ഉൾപ്പെടെയുള്ള ഭേദഗതികളാകും കൊണ്ടുവരിക.
പത്ത് വർഷത്തെ സർക്കാർ ജോലി പരിചയം മാത്രമാണ് നിലവിലെ യോഗ്യത.
പിഎസ്‌സി ചെയർമാനെയും അംഗങ്ങളെയും നിയമിക്കുന്നത് സംസ്ഥാനത്തെ ഗവർണറാണ്.
പിഎസ്‌സി അംഗങ്ങളുടെ കാലാവധി 6 വർഷം അല്ലെങ്കിൽ 62 വയസ്സ് പൂർത്തിയാകുന്നത് വരെയാണ്.
പരീക്ഷ ക്രമക്കേടുമായി ബന്ധപ്പെട്ട് പിഎസ്‌സി പ്രതികൂട്ടിൽ നിൽക്കെയാണ് സർക്കാർ നീക്കം.
പിഎസ്‌സിക്ക് നഷ്ടപ്പെട്ട വിശ്വാസ്യതയെ തിരിച്ചുപിടിക്കുകയെന്ന ലക്ഷ്യം കൂടി സർക്കാരിനുണ്ട്.
അതിനിടെ പിഎസ്‌സി ചെയർമാൻ ഡോ എം ആർ ബൈജുവിനെയും അംഗങ്ങളെയും പുറത്താക്കാൻ ഗവർണറുടെ ഭാഗത്ത് നിന്ന് നീക്കമുണ്ടായി. ചെയർമാനെയും അംഗങ്ങളെയും പുറത്താക്കാൻ രാഷ്ട്രപതിക്ക് ശിപാർശ നൽകി.
കേരള ഗവർണർ സ്ഥാനം ഒഴിയുന്നതിന് ഒരാഴ്ച മുൻപായിരുന്നു രാജേന്ദ്ര വിശ്വനാഥ അർലേക്കറുടെ നീക്കം.
പരീക്ഷ ക്രമക്കേടിൽ പിഎസ്‌സിക്ക് ഗുരുതര വീഴ്ച നടന്നതായാണ് ആഭ്യന്തര വിജിലൻസിന്റെ ക്രൈംബ്രാഞ്ച് എസ്‌ഐടിയുടെയും കണ്ടെത്തൽ.
ആസൂത്രണ ബോർഡ് പരീക്ഷാ ക്രമക്കേടിൽ രണ്ട് പിഎസ് സി ഉദ്യോഗസ്ഥരെ കൂടി പ്രതി ചേർക്കാൻ നീക്കം നടക്കുന്നതിനെടയാണ് ഗവർണറുടെ ശിപാർശ പുറത്തുവരുന്നത്.
