തിരുവനന്തപുരം: നാളെ നടക്കുന്ന പ്രിയദർശിനി പദ്ധതിയില് സാരി വിതരണം പരിപാടിയില് ഇല്ലെന്ന് ഗതാഗതമന്ത്രി സി.പി ജോണ്. ആഘോഷപരിപാടി മാത്രം നടത്താനാണ് നിർദേശമെന്നും പ്രചരിക്കുന്ന വാർത്തകള് തെറ്റെന്നും മന്ത്രി പ്രതികരിച്ചു. കെഎസ്ആർടിസിയുടെ പ്രിയദർശിനി പദ്ധതി നൂറ് ദിവസം തികയ്ക്കുന്നതിന്റെ ഭാഗമായി സംസ്ഥാനത്തെ എല്ലാ കെഎസ്ആർടിസി ഡിപ്പോകളിലും വനിതകള്ക്ക് സാരി വിതരണമുണ്ടാകുമെന്നായിരുന്നു നേരത്തെ റിപ്പോർട്ടുകളുണ്ടായിരുന്നത്. ഓരോ ഡിപ്പോയിലും 15 സാരികള് വീതമാണ് നല്കുകയെന്നായിരുന്നു നേരത്തെ പുറത്തുവരുന്ന വിവരം. ഇതിന് പിന്നാലെയാണ് സാരീവിതരണം പരിപാടിയുടെ ഭാഗമല്ലെന്ന് മന്ത്രി തന്നെയും സ്ഥിരീകരിച്ചിരിക്കുന്നത്.
രാവിലെ 10ന് തിരുവനന്തപുരം തമ്പാനൂര് കെഎസ്ആര്ടിസി ടെര്മിനലില് നടക്കുന്ന ചടങ്ങ് മന്ത്രി സി.പി. ജോണ് ദ്ഘാടനം നിര്വഹിക്കും. പ്രിയദര്ശിനി പദ്ധതി മികച്ച രീതിയില് മുന്നോട്ടുപോകുകയാണെന്നും നിലവില് ഓര്ഡിനറി ബസുകളില് മാത്രമാണ് പദ്ധതി നടപ്പാക്കുന്നതെന്നും ഈ രീതിയില് തന്നെ പദ്ധതി തുടരാനാണ് തീരുമാനമെന്നും മന്ത്രി വ്യക്തമാക്കി.
