മുംബൈ : മുംബൈയിൽ പ്രധാനമന്ത്രിയുടെ പരിപാടിയിൽ സുരക്ഷാ വീഴ്ച്ച. വേദിക്ക് സമീപത്ത് നിന്നും തോക്കും വ്യാജ ഐഡി കാർഡുകളുമായി രണ്ടു പേരെ പിടികൂടി. 24കാരനും ഇയാളുടെ സുരക്ഷാ ജീവനക്കാരനെന്ന് കരുതുന്നയാളുമാണ് പിടിയിലായത്.
ഇവരുടെ പെരുമാറ്റത്തിൽ സംശയം തോന്നിയ പോലീസ് നടത്തിയ പരിശോധനയിലാണ് രണ്ട് പേരെയും കസ്റ്റഡിയിലെടുത്തത്. വൈകീട്ട് 5 മണിക്ക് ബാന്ദ്ര കുർള കോംപ്ലക്സിലെ വേദിയിൽ ഗ്ലോബൽ ഫിൻടെക് ഫെസ്റ്റ് പ്രധാനമന്ത്രിയായിരുന്ന ഉദ്ഘാടനം ചെയ്യേണ്ടിയിരുന്നത്.
ഇതിന് മുന്നോടിയായി നടത്തിയ പരിശോധനയിലാണ് ഇരുവരും പിടിയിലായത്. ഇവരെ വെളളിയാഴ്ച്ച വരെ പോലീസ് കസ്റ്റഡിയിൽ വിട്ടു.
